VaLoma 1:13 - ULufingwi uLupwa

¹³ Mwe vhamwitu, nkwanza mumanye kuuti, ulwinji nkwanza kwinza kuli imwe, ileelo shimo shikundindila poosye ahavhaliilizyo iha. Nkwanza ininze ukwo kwope, imbalumbiilile avhantu vhamwitishe uMwene uYeesu, inza vwe mbomvile apanji.

Tesitamenti Umupwa 1965

¹³ Ntakwanza ukuti mutamanye mwe vamwitu, ukuti apinji nkasivaga ukwinza kumwinyu, zimo nyene zihangalusya ukufiha nilelo ili, she natinji inkome lumʼulusanga nakumwinyu inza ṿwe nkahonzya nakuvakunzʼavanji.

VaLoma 1:13 ပူးပေါင်းရင်းမြစ်များ

Yohani 12:24

Nalyoli nkuvhavhuuzya kuuti, inga imbeyu yitafushilwa pansi inza umuntu we afuuye, yitangaamela, nkandi inga yafushilwa, pe yikumela nu kupaapa amantonongwa aminji.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 4:36

We akuvuna akuposheela amalipilo gaakwe. Akuvhungaaniha mu shanga shaakwe vwe avunile, kwe kuuti uvhulanzi uvhwa shiima. Kuli izyo, we akuvhwala na we akuvuna vhonti vhaliseshela pooka.

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

iMbombo izya Vhatumwa 15:12

Pe impuga yonti yihavha mwaa, yihavhatejeelezya avha Paavhuli nu Balinaaba lwe vhakuvhavhuuzya vwe uMulungu ávhomvile ivilolesyo ni zya kusukumizya kutuushila ku kwavho ku vhantu vhe te Vhayuuda.

iMbombo izya Vhatumwa 19:21

Lwe zyatuuha zyonti izyo, uPaavhuli ahaamula mu mwoyo waakwe kusogola ku Yelusaleemu kutuushila mu shigavho isha nsi isha Makedooniya ni sha Akaaya. Ahayanga ahati, “Inga naafiha ku Yelusaleemu, nkwanzilwa kufiha na ku Luumi.”

iMbombo izya Vhatumwa 21:19

Lwe uPaavhuli avhalamuha, ahavhavhuuzya zyonti zye uMulungu ávhomvile ku vhantu vhe te Vhayuuda kutuushila mu mbombo zyakwe.

iMbombo izya Vhatumwa 28:14

Umwo tuhahomaana na vhamwitu, vhahatulambiilizya kuuti tutendame navho insiku 7. Isho, vwe twáfisile mu nkaaya iya Luumi.

VaLoma 1:12

kwe kuuti ulwitiho lwinyu lungomwe ine, lwope ulwane luvhagomwe imwe.

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 7:1

Mwe vhamwitu, nkuyanga niimwe mwe muzimanyile indajizyo izya Moose. Mumanyile kuuti indajizyo zikumukonzya umuntu ahavhaliilizyo he mulanzi.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 10:1

Vhamwitu, nkwanza mumanye ahinza kuuti, lwe avhataata vhiitu vhakutuuha mu luugwa, vhonti vhahalongolwaga ni ivhingo, havhili vhonti vhátuusile pahati pa sumbi uwa Shaamu.

1 VaKolinti 12:1

Ishi vhamwitu, ntakwanza musyale ishisita kumanya izya vikunjilwa ivwa Mupepo uMufinjile.

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

1 VaKolinti 9:2

Poosye inga avhantu avhanji vhatakwitiha kuuti ne mutumwa, ileelo kuli imwe ne mutumwa, mwe pe ulwitiho lwinyu kwa Chilisiti, she shilolesyo isha kuhomeshezya kuuti, ntumiilwe nu Mwene.

2 VaKolinti 1:8

Vhamwitu, tukwanza mumanye vwe twáyimvile mu shigavho isha nsi isha Aasiya. Amayimba ge gátwazile gáali mapiti nkaani, gálusiizye na maha giitu, tuhasiivhaga kuuti kwe tufwe.

2 VaKolinti 2:14

Tukumusalifwa uMulungu, mwe pe mwa Chilisiti akutulongola ahavhaliilizyo honti kuvhapoota avhalugu. Havhili akutuvhiiha iswe kuuti tukumusyaje izwi ilya Chilisiti imbazu zyonti, inza umununsi umwinza vwe wukusaata kwonti.

VaGalati 3:15

Vhamwitu, nkwanza injanje ku shiholanyo isha kufuma mu vhulanzi vhwitu. Musivhiilile izya lufingwi ulwa vhantu vhavhili. Inga ulufingwi lwavhombeha pilongolela ilya vhantu, ataliipo uwa kuluhaana, poosye kwonjezya inongwa izinji.

VaGalati 6:18

Vhamwitu, uMwene wiitu uYeesu Chilisiti avhafwilaje uvhwila. Amina.

Filipi 1:22

Inga nkuvha ne mupuuma, indiilola ziila zye zikufumiilana ni mbombo yaane, pe ntakumanya lye ingalisaavhula!

Filipi 4:17

Te kuuti nkunyonywa kuposheela ivipeelwa ivwamwavho, nkandi kuuti muposheele uvhuloote ku mbombo yiinyu iya kufumwa.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

1 VaTesaloniki 2:18

Pe tuhanzaga twinze kuli imwe, inkaani ine ne Paavhuli ulwinji nkanzaga kwinza, ileelo uSeetano ahatudinda.

1 VaTesaloniki 4:13

Mwe vhamwitu, tukwanza mumanye zye zilifumila ku vhe vhámwitisile uMulungu vhe vhafuuye, inga muleshe kuvha nu vhuswimiilizu inza avhantu avhanji vhe vhatali nu lusuuvhilo.

2 VaTesaloniki 2:7

Poosye ishi uMusambusu uyo akuvhomba imbombo ku vhuzigizigi. Ileelo te ahaloleshe kufishila inga vhamwefwa ula we akumudinda.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.