VaLoma 1:11 - ULufingwi uLupwa

¹¹ Nyonyiilwe nkaani kuvhavuula, inga ninze indilizanye ishikunjilwa isha mwa Mupepo uMufinjile isha kuvhagomwa amooyo giinyu,

Tesitamenti Umupwa 1965

¹¹ She nkusungwa nkani ukuvenyʼimwe, she nkuti ngavapa hamʼaha kunjilwa ha mwa mupepo aha kuvasimfwa,

VaLoma 1:11 ပူးပေါင်းရင်းမြစ်များ

iMbombo izya Vhatumwa 16:5

Ivivhanza vihagomaga mu lwitiho na vhiitisi vhahonjelaga amanda gonti.

iMbombo izya Vhatumwa 19:21

Lwe zyatuuha zyonti izyo, uPaavhuli ahaamula mu mwoyo waakwe kusogola ku Yelusaleemu kutuushila mu shigavho isha nsi isha Makedooniya ni sha Akaaya. Ahayanga ahati, “Inga naafiha ku Yelusaleemu, nkwanzilwa kufiha na ku Luumi.”

iMbombo izya Vhatumwa 19:6

Pe uPaavhuli ahavhavhiishila inyoovhe kuvhaloota, uMupepo uMufinjile ahavhiishila, vhahanda kuyanga ku njango injeni nu kukuvhwa uvhukuvhwi.

VaLoma 1:12

kwe kuuti ulwitiho lwinyu lungomwe ine, lwope ulwane luvhagomwe imwe.

VaLoma 15:23

Ileelo ishi, naamala imbombo yaane mu nsi ye indi, havhili amaaha aminji nsamvile kuvhavuula ukwo.

VaLoma 15:29

Imanyile kuuti, lwe ninza kuli imwe uChilisiti aliloota nkaani ahavhaliilizyo aha kutendama pooka, ine niimwe.

VaLoma 15:32

Ilyo inga lyavhombeha vhwevhulo, inga uMulungu akasiime, ndiyinza ku luseshelo kuli imwe, intuuzye pooka niimwe.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

2 VaKolinti 1:15

Mwe pe imanyile kuuti muliyitumvwa ku zyitu, nanzaga kulongolela kwinza kuli imwe suuti. Kuli izyo, mwaamile muposheelaje uvhuloote luvhili kuzya ine kwinza ukwo luvhili.

2 VaKolinti 1:21

UMulungu we akutugomwa iswe niimwe, havhili atusavhuuye kuuti tuvhe twe vhiitisi avha Chilisiti,

2 VaKolinti 11:4

Nkuyanga vhwevhulo, mwe pe imwe mwe vhapupuusu kumuposheela umuntu we akwinza kumukumusya uYeesu uwunji we iswe tutamukumusiizye. Havhili mukumuposheela umupepo uwunji, poosye izwi ilinji lye mutaposheleeye kufuma kuli iswe.

2 VaKolinti 9:14

Pe kwe vhavhalavhilaje kwa Mulungu ku mwoyo wonti, kuzya vhwila vhwe uMulungu avhapiiye ku vhwinji.

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Filipi 2:26

Niishi avhasamvile nkaani imwe mwenti. Aswimiliilwe nkaani, mwe pe imwe mwivuuye kuuti aamile muvhinu.

Filipi 4:1

Ishi vhamwitu mwe mbakunzite nu kuvhasamba nkaani, imwe mwe mukumbiiha kuuti mbe nu luseshelo nu kuposheela ishipambwi. Vhankundwa mukwanzilwa kusimpa mwa Mwene uYeesu.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

1 VaTesaloniki 3:2

Tuhamusonteelezya uTiimoti umujenzi wiitu, havhili umuvhomvi uwamwitu uwa Mulungu kuzya kulumbiilila Izwi iLyinza ilya Chilisiti. Tuhamusonteelezya kuuti ayinze, inga avhagomwe amooyo nu kuvhasuvhaalizya mu lwitiho lwinyu.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

2 VaTesaloniki 3:3

Ileelo uMwene uYeesu mutungamu, uweene alivhagomwa imwe nu kuvhaguulila kwa Muvhiivhi ula.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

2 Peteli 1:12

Pe ishi, kwe njendeelele kuvhakumbusya zyonti izyo shiima, poosye she mumanyile nu kusimpa mu vhwanalyoli vhwe mwáposheleeye.