VaLoma 1:1 - ULufingwi uLupwa

¹ Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

Tesitamenti Umupwa 1965

¹ UPavuli umunyamata wa Chilisiti Yesu wʼayisitwe ukuva mwapositili nukusavulwa pazyʼIvangeli lya Mulungu;

VaLoma 1:1 ပူးပေါင်းရင်းမြစ်များ

Maliko 1:14

Pisinda, uYoohani ahakungwa mu jeela, pe uYeesu ahasogola mu shigavho isha nsi isha Galilaaya, ahataliha kukumusya Izwi iLyinza ilya Mulungu.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 15:15

Kwandila ishi, te mbiitaje havhili kuuti mwe vhazya vhaane, mwe pe umuzya atakumanya zye umwene waakwe akuvhomba. Ileelo imwe kwe mbiitaje kuuti mwe vhamanyani vhaane, mwe pe navhamanyisya zyonti zye nivuuye kufuma kwa Taata waane.

Yohani 15:20

Mukumbuhaje zye návhavhuziizye kuuti, ‘Umuzya te mupiti kuluusya umwene waakwe.’ Inga vhánjimvwizye ine, pe niimwe vhalivhayimvwa. Havhili inga vhakuzyitiha insambiilizyo zyane, pe ni zyinyu vhalizyitiha.

iMbombo izya Vhatumwa 13:9

Pe uSaavhuli, we izina lyakwe ilyamwavho vhahatinji uPaavhuli, she ayizuuye uMupepo uMufinjile, ahamuzyamila uEelima,

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

iMbombo izya Vhatumwa 21:40

Lwe umupiti uwa vhasikaali amwitishila, pe ahimiilila pa ntanda paala, ahavhavhuusizya avhantu vhaala inyoovhe kuuti vhapuume. Lwe vhonti vhapuuma, ahavhavhuuzya mu njango yaavho.

iMbombo izya Vhatumwa 22:21

UMwene ahanaamula ahati, ‘Sogoola! Kuuti nkusonteelezye ukutali, ku vhantu vhe te Vhayuuda.’”

iMbombo izya Vhatumwa 22:7

Nkagwa pansi, nkiivwa izwi likumbuziilizya likuti, ‘Saavhuli! Saavhuli! Shooni she ukunjimvwa?’

iMbombo izya Vhatumwa 26:1

Pe uAgiliipa ahamuvhuuzya uPaavhuli ahati, “Ishi yangaaga leelo izya kuyipoha.” Pe uPaavhuli ahavhuusya inyoovhe yaakwe inga vhamutejeelezye, ahanda kuyanga izya kuyipoha. Ahati,

iMbombo izya Vhatumwa 26:14

Swenti tuhagwa pansi. Ine nkiivwa izwi likumbuuzya mu njango yiitu iya Shihebuuli kuuti, ‘Saavhuli! Saavhuli! Shooni she ukunjimvwa? Ukuyivwalazya umwenzo vhuulo inza indogomi ye yikupana indiisa iya mudiimi waakwe.’

iMbombo izya Vhatumwa 27:23

Ine ne muntu wa Mulungu, havhili ne muvhomvi waakwe. Ileelo uvhusiku uhavhizya waakwe amfumiiye.

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 1:9

UMulungu we nkumuvhombela ku mwoyo waane wonti, lwe nkuvhalumbiilila avhantu avhanji Izwi iLyinza ilya Mwana waakwe, wu hoome waane. Amanyile vwe nkuvhalaavhila imwe ahavhaliilizyo honti ishisita kulita.

VaLoma 11:13

Ishi nkuyanga niimwe mwe te mwe Vhayuuda. Mwe pe uMulungu ansavhuuye ine kuvha ne mutumwa wiinyu, ine nkuyimwamiha imbombo iyo ye uMulungu akuvhavhombela imwe kutuushila kuli ine.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 15:29

Imanyile kuuti, lwe ninza kuli imwe uChilisiti aliloota nkaani ahavhaliilizyo aha kutendama pooka, ine niimwe.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 1:1

Ukalaata uno nsimvile neene ne Paavhuli, ne uMulungu aniisite kuuti mbe ne mutumwa uwa Chilisiti uYeesu ku lukasamo lwakwe. Ine nu wamwitu uSositeeni,

1 VaKolinti 9:1

Vhuli, ine te ne musatushe? Havhili ine te ne mutumwa? Ine ntámuvhwenyi uMwene wiitu uYeesu? Havhili imbombo ye návhomvile te ye yivhavhiisile imwe kumwitiha uMwene?

2 VaKolinti 1:1

Ukalaata uno nsimvile neene ne Paavhuli, ne uMulungu aniisite ku lukasamo lwakwe kuuti mbe ne mutumwa uwa Chilisiti uYeesu. Ine nu wamwitu uTiimoti tukuvhalamuha imwe mwe muli mu shivhanza isha Mulungu, mwe muli mu nkaaya iya Kolinto, pooka na vhafinjile vhonti vhe vhali mu shigavho isha nsi isha Akaaya.

2 VaKolinti 11:5

Ine te kuuti ne munsi kuluusya ivho vhe vhakuyilola kuuti, “Vhatumwa avhapiti.”

2 VaKolinti 11:7

Vhuli, návhomvile uvhutalamalandu lwe ine nayiisya kwi idala ilya kulumbiilila izwi ilya Mulungu kuli imwe ishisita amalipilo, inga imwe mutiimwe?

2 VaKolinti 12:11

Nkuyanga ngati ne mupukupuuku, ileelo imwe mwamvijiilizya kuyanga vhwevhulo. Imwe mwanzilwaga kunkomeshezya inyinza, mwe pe poosye inga ntakushindikwa, ine te ne mutumwa umunsi kuvhaluusya vhaala vhe mukuti, “vhatumwa avhapiti.”

2 VaKolinti 2:12

Ishi, lwe naafiha mu nkaaya iya Tolowa kulumbiilila Izwi iLyinza ilya Chilisiti, ukwo uMwene aaniguliiye idala ilya kuvhomba imbombo yaakwe.

2 VaKolinti 4:5

Nkuyanga vhwevhulo, mwe pe iswe tutakukumusya inongwa zyitu, ileelo tukukumusya kuuti uYeesu Chilisiti we wu Mwene, niiswe twe vhavhomvi vhiinyu kwi idala ilya kumuvhombela uYeesu.

VaGalati 1:1

Ukalaata uno nsimvile neene ne Paavhuli ne mutumwa. Ine ntátumiilwe na vhantu, poosye kusaavhulwa nu muntu wonti, nátumiilwe nu Yeesu Chilisiti, nu Taata uMulungu we ámuzyusiizye uYeesu.

VaEfeso 1:1

Ukalaata uno nsimvile neene ne Paavhuli ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Nkuvhasimbila imwe mwe mukutendama mu nkaaya iya Hefeeso, mwe vhafinjile avhatungamu avha Chilisiti uYeesu.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

Filipi 1:1

Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

Filipi 2:11

Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

Kolosi 1:1

Ukalaata uno nsimvile neene ne Paavhuli, ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Ine pooka nu wamwitu uTiimoti,

Kolosi 1:25

UMulungu ansavhuuye ine kuvha ne muvhomvi uwa shivhanza isho, inga mbaleetele izwi lyakwe ku vhulunjisu.

1 VaTesaloniki 2:2

Havhili mumanyile kuuti lwe twáshiili kufiha kuli imwe, twáyimvile nu kuligwa mu nkaaya yiila iya Fiilipi. Pooka nu kuuti kuli imwe kwáliipo kudindanjizya nkaani, ileelo uMulungu átupiiye uvhudandamazu uvhwa kulumbiilila Izwi lyakwe iLyinza.

1 VaTesaloniki 2:8

Twávhakunzite imwe nkaani. Kuli izyo, twásesheeye te kwe kuvhavhuuzya Izwi iLyinza ilya Mulungu vhweleele, nkandi havhili nu kuyifumwa kuvhomba zyonti zye zihondeeye kuvhaavwa, mwe pe nalyoli mwe vhankundwa vhiitu.

1 VaTesaloniki 2:9

Vhamwitu, mukukumbuha umute wiitu na mayimba giitu, tuhavhombaga uvhusiku nu musanya. Tuhavhombaga isho, kuuti inga lwe tukukumusya Izwi iLyinza ilya Mulungu tutahinze tumutamwe umuntu wonti kuli imwe.

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

2 Timoti 1:11

Kuzya Izwi iLyinza ilyo uMulungu aniisite ine kuuti mbe ne hakumusya, havhili ne mutumwa nu kuvha ne musambiilizi.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

VaHebuli 5:4

Ataliipo umuntu we angayivhiiha wuuyo kuvha mupuuti umupiti, nkandi uMulungu we akumusaavhula inza vwe ámusavhuuye uAaloni.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

1 Peteli 4:17

Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

Ishitushizya 1:1

Ishi, shitushizya isha Yeesu Chilisiti. UMulungu ámupiiye ishenesho, inga avhalolesye avhavhomvi vhaakwe zye kuuti zivhombeshe ishisita kuhaavha. UYeesu ahamulolesya uYoohani umuvhomvi waakwe kutuushila kwa havhizya waakwe.

Ishitushizya 22:6

Uhavhizya ahambuuzya ahati, “Amazwi iga ga nalyoli havhili ga kwitishilwa. UMWENE uMulungu we akuuvhapa avhakuvhwi uMupepo waakwe uMufinjile, amusonteleziizye uhavhizya waakwe avhalolesye avhavhomvi vhaakwe zye kuuti zivhombeshe ishisita kuhaavha.”

Ishitushizya 22:9

Ileelo uweene ahambuuzya ahati, “Leha! Ine ne muvhomvi vhweleele inza iwe na vhamwinyu avhakuvhwi na vhonti vhe vhakuzyitiha indajizyo zye zili mwi ikalaata ili. Mupuute uMulungu!”