VaHebuli 9:9 - ULufingwi uLupwa

⁹ Imbombo zyonti zye zihavhombehaga mwi Iheema liila, shiholanyo isha mbombo izya havhaliilizyo iha. Nkuyanga vhwevhulo, mwe pe ivipeelwa ni mpuutile zye vhakumufumwizya uMulungu vitangazelufwa amooyo aga vhantu vhe vhakumupuuta uMulungu.

Tesitamenti Umupwa 1965

⁹ She shali shiholanyo sha kuholanya mumwo izya shinishi, shali sha kuti iṿwa kutajila niṿwa kufinjila ṿwe vakutwalʼavantu, ṿwe ṿitamanyilʼukuvalunjisya muvwinza vwa nyenyezyo vuvo ve vakuvombʼuvuvombezi,

VaHebuli 9:9 ပူးပေါင်းရင်းမြစ်များ

VaLoma 5:14

Poosye vhwevhulo, kufuma kwa Aadamu nu kufiha kwa Moose, uvhufwe vhwákonziizye poosye na ku vhantu vhe vhávhomvile uvhutalamalandu vhwe vhutáholiine na vhwe uAadamu ávhomvile. UAadamu áali shiholanyo isha Chilisiti we áyinzile pisinda.

VaGalati 3:21

Vhuli, indajizyo zitakuvhalilana na zye áfinzile uMulungu? Ndaali, te muumwo inga hansi! Yeenya, inga zyaaliipo indajizyo zye zingaavhapa avhantu uvhulanzi, pe nkandi tukuvhaazilwa kuuti twe vhagolosu kwi idala ilya ndajizyo.

VaHebuli 10:11

Kulandatana nu lufingwi ulwa hali, insiku zyonti, avhapuuti vhonti avha Vhayuuda vhahamuvhombelaga uMulungu nu kufumwa impuutile zyeziila ulwinji zye zitangeefwa uvhutalamalandu inga hansi.

VaHebuli 11:19

UAabulahamu ahitihaga kuuti uMulungu angamuzyusya uYisaaka. Kwi idala ilyo, uAabulahamu ámuposheleeye havhili uYisaaka we áamile ngati afuuye nu kuvha mulanzi havhili.

VaHebuli 5:1

Yeenya, umupuuti umupiti wonti akusaavhulwa kufuma ku vhantu kumuvhombela uMulungu pa luvhambo lwavho. Akuvhafumwizya kwa Mulungu ivipeelwa ni mpuutile zyavho kuzya vhutalamalandu.

VaHebuli 7:11

Indajizyo izya Moose zyínzile ku Vhaisilayeeli kutuushila ku vhapuuti vhe vhantu vha mu luho ulwa Laawi. Ileelo poosye vhwevhulo, uvhupuuti uvhwo vhutáali vhulunjisu. Kuli izyo, vhuhanzilwaga uvhupuuti uvhunji vhwe vhuli inza uvhwa Melikizeedeki vhwe vhutali inza uvhwa Aaloni.

VaHebuli 8:4

Inga uChilisiti ajendelelaje kulandila mu nsi umu, nkandi te mupuuti inga hansi, mwe pe mu nsi umu vhaliipo avhapuuti vhe vhakufumwa impuutile kulandatana ni ndajizyo izya Moose.

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.