VaHebuli 9:7 - ULufingwi uLupwa

⁷ Ileelo umupuuti umupiti weeka we ahitishilwaga kwinjila ishumba isha vhuvhili, woope ahinjilaga lwoka vhweleele ku mwaha. Havhili ahanzilwaga kwinjila na mavhanda aga shihanu she shivholiilwe nu kumufumwizya uMulungu. Ahavhombaga vhwevhulo, kuzya vhutalamalandu vhwakwe wuuyo nu vhwa vhantu avhanji vhonti vhwe vhahavhombaga ishisita kumanya.

Tesitamenti Umupwa 1965

⁷ Mwihema lya kuziho nyene, mwe pamwaha ahinjilaga lwoka lwene we washiputʼumupiti weka, atahinjilaga shisitakuva namavanda gʼahafinjilaga paṿipuva ṿwakwe wuyo niṿwa vantu vonti.

VaHebuli 9:7 ပူးပေါင်းရင်းမြစ်များ

VaEfeso 4:18

Havhili vha mu shiisi, vhatamanyile uvhwanalyoli uvhwa Mulungu. Avhantu ivho vhali ukutali nu vhulanzi vhwe uMulungu akuuvhapa avhantu vhaakwe, mwe pe vhatamanyile amadala gaakwe, kufumiilana nu vhugomu uvhwa mooyo gaavho.

VaHebuli 10:3

Ileelo impuutile izyo zye vhahafumwaga amaaha gonti zihavhakumbusyaga uvhutalamalandu vhwavho,

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.

VaHebuli 7:27

Avhapuuti avhapiti vhahanzilwaga kufumwa impuutile izya vhutalamalandu vhwavho. Lwe vhavhomba vhwevhulo, pe vhahafumwaga impuutile izyamwavho ku vhutalamalandu uvhwa vhantu avhanji. Havhili vhahavhombaga vhwevhulo ulwinji. Ileelo uYeesu atávhomvile inza avhapuuti avhapiti ivho. Uweene áyifumwizye pa shihovhenkanyo lwoka vhweleele ku vhutalamalandu uvhwa vhantu vhonti.

VaHebuli 9:3

Mwi Iheema ilyo mwámile umwenda umupiti we wápituliinye ishumba ishitanzi ni sha vhuvhili. Ishumba isha vhuvhili vhahashiitaga vhahatinji aPafinjile pa Pafinjile.