VaHebuli 9:3 - ULufingwi uLupwa

³ Mwi Iheema ilyo mwámile umwenda umupiti we wápituliinye ishumba ishitanzi ni sha vhuvhili. Ishumba isha vhuvhili vhahashiitaga vhahatinji aPafinjile pa Pafinjile.

Tesitamenti Umupwa 1965

³ Kuziho nyene kuvwizigo vwa mwenda uvwa vuvili, kwe lyali ihema lye vatili pe pa Vufumile vwa Vufumile,

VaHebuli 9:3 ပူးပေါင်းရင်းမြစ်များ

Matayi 27:51

Yeenya, umwenda we wápituliinye iNyumba iMfinjile wuhazeepuha pahati kufuma pamwanya kufiha pansi. Insi yihayingaana na mayalaawe gahabazunkana.

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.

VaHebuli 9:7

Ileelo umupuuti umupiti weeka we ahitishilwaga kwinjila ishumba isha vhuvhili, woope ahinjilaga lwoka vhweleele ku mwaha. Havhili ahanzilwaga kwinjila na mavhanda aga shihanu she shivholiilwe nu kumufumwizya uMulungu. Ahavhombaga vhwevhulo, kuzya vhutalamalandu vhwakwe wuuyo nu vhwa vhantu avhanji vhonti vhwe vhahavhombaga ishisita kumanya.

VaHebuli 9:8

Kulandatana ni mbaatiho izyo, uMupepo uMufinjile akutulolesya apazelu kuuti Iheema ilyo ilya hali lwe likuvhomba imbombo, idala ilya kwinjila aPafinjile pa Pafinjile litíguliilwe ku vhantu vhonti.