Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




VaHebuli 9:26 - ULufingwi uLupwa

26 Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

အခန်းကိုကြည့်ပါ။ ကော်ပီ

Tesitamenti Umupwa 1965

26 She pe nkandi uwene avuyizizye shima ukuyimba ukufuma kuvwando vwa nsi. Shinishi nyene pʼahaloleha lwoka lwene kuvulunjisu vwa tuvalilizyo twa maha, ukuti azimanjizyaje uvutalamalandu nimputile yakwe wuyo.

အခန်းကိုကြည့်ပါ။ ကော်ပီ




VaHebuli 9:26
36 ပူးပေါင်းရင်းမြစ်များ  

Umulugu we ávhwaye indezye, wu mukwalanzi. Kuvuna, lisiku ilya kumpeleela ilya vhulonzi uvhwa nsi. Vhe vhakuvuna vhe vhahavhizya.


Inza vwe indezye zikusaagulwa nu kupembwa mu mwoto, vwe ziliivha ku vhusililishilo uvhwa nsi.


“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.


Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!


“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.


Ishi zyonti izyo zye zyávhaazile avheene, zyásimviilwe, inga shivhe shiholanyo isha kutusoha iswe twe tukulandila ahavhaliilizyo iha aha kumpeleela.


Ishi nkuyanga kuuti, we akupwana inga mwana, atakusugaana nu muzya ku ndajizyo, pooka nu kuuti ivwuma vwonti vwakwe.


nu lukasamo lwakwe lwe luno: Kuuti inga zyonti zyasila na havhaliilizyo he ahasaavhula haafiha, alivivhungaaniha pooka ivipelwa vwonti, vwe vili ku mwanya na vwe vili pa nsi. Woope uMwana waakwe we aliivha mupiti uwa vipelwa ivwo.


Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.


UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.


Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.


Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.


Ileelo uChilisiti áyifumwizye lwoka vhweleele kuvha mpuutile, inga atuzelufwe uvhutalamalandu vhwitu. Uweene we mpuutile iya shiima. Kuli izyo, atendiime uluvhazu ulwa nyoovhe iya kundiilo iya Mulungu pa vhushindamu uvhupiti nkaani.


Inga tukujendeelela kuvhomba uvhutalamalandu umwenzo she tuvhumanyile uvhwanalyoli uvhwa Mulungu, kutali impuutile iyamwavho ye yingatuzelufwa uvhutalamalandu.


mwe pe amavhanda aga nkambaku na ga saawe gatangeefwa uvhutalamalandu inga hansi.


Ileelo iswe twe tumwitisile uMulungu tuliyinjila pa lutuuzyo lwe áfinzile. Ileelo kuli ivho vhe vhatámwitisile, uMulungu áyanzile átili, “Návisiitwe nu kulapa, náyanzile nátili, ‘Nalyoli avhantu ivha te vhahinjile pa lutuuzyo lwe mbasenganiziinye.’” UMulungu áyanzile isho, pooka nu kuuti ápezile azimazile imbombo zyakwe zyonti kufuma ahavhaliilizyo he áyipezile insi.


Avhapuuti avhapiti vhahanzilwaga kufumwa impuutile izya vhutalamalandu vhwavho. Lwe vhavhomba vhwevhulo, pe vhahafumwaga impuutile izyamwavho ku vhutalamalandu uvhwa vhantu avhanji. Havhili vhahavhombaga vhwevhulo ulwinji. Ileelo uYeesu atávhomvile inza avhapuuti avhapiti ivho. Uweene áyifumwizye pa shihovhenkanyo lwoka vhweleele ku vhutalamalandu uvhwa vhantu vhonti.


Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.


Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.


UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.


UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.


Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.


Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.


Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.


Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.


Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.


Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ