VaHebuli 9:25 - ULufingwi uLupwa

²⁵ Umupuuti umupiti uwa Vhayuuda ahinjilaga aPafinjile pa Pafinjile amaaha gonti na mavhanda aga vihanu. Ileelo uChilisiti atínjiiye ku mwanya, inga ayifumwe kuvha mpuutile ulwinji, áyifumwizye lwoka vhweleele.

Tesitamenti Umupwa 1965

²⁵ te lya kuti ayifinjile fwe ngati mputile havili havili, inza shʼuwashiputʼumupiti akwinjila shima pamwaha namavanda ge te gakwe.

VaHebuli 9:25 ပူးပေါင်းရင်းမြစ်များ

VaHebuli 10:10

Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.

VaHebuli 10:19

Mwe vhamwitu, kwi idala ilya mavhanda aga Yeesu, iswe tuli nu vhusatushe kwinjila aPafinjile pa Pafinjile ku vhudandamazu.

VaHebuli 9:12

Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

VaHebuli 9:2

Apafinjile ipo pázengwilwe Iheema ilya kumupuutila uMulungu. Iheema ilyo lyámile ni vwumba vivhili. Ishumba ishitanzi sháamile ni shisajishilo isha nyaale ni meeza iya kuvhiishila amakaati amafinjile. Pa shumba ishitanzi isho vhahapiitaga vhahatinji aPafinjile.

VaHebuli 9:26

Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

VaHebuli 9:7

Ileelo umupuuti umupiti weeka we ahitishilwaga kwinjila ishumba isha vhuvhili, woope ahinjilaga lwoka vhweleele ku mwaha. Havhili ahanzilwaga kwinjila na mavhanda aga shihanu she shivholiilwe nu kumufumwizya uMulungu. Ahavhombaga vhwevhulo, kuzya vhutalamalandu vhwakwe wuuyo nu vhwa vhantu avhanji vhonti vhwe vhahavhombaga ishisita kumanya.