VaHebuli 9:19 - ULufingwi uLupwa

¹⁹ Lwe uMoose aamala kuvhaazya indajizyo zyonti izya Mulungu pilongolela ilya vhantu vhonti inza vwe yihanzilwaga, ahanyatula amavhanda aga ngwada na ga saawe, ahasangaanya na minzi. Lwe avhomba vhwevhulo, ahasansila amavhanda igo pi ikalaata ilya ndajizyo na ku vhantu vhonti kwi idala ilya pamba ye yáali nu muhoola uwa mafwomfwo. Ipamba iyo yápinyiilwe ku lusamba ulwa ikwi lye vhahatinji ihiisopo.

Tesitamenti Umupwa 1965

¹⁹ She pala pʼuMose avavuzizye avantu vonti zyontʼindajizyo ukulandata munkomelezyo, pʼahasenda amavanda ga ngwada naga vasavwe poka naminzi namasepe amashemamu nuvusankalala vwʼitete, ilelo pʼahasansila pakalata nakuvantu vonti,

VaHebuli 9:19 ပူးပေါင်းရင်းမြစ်များ

Matayi 27:28

Vhahamuzuula amenda gaakwe nu kumuzwalizya inkanzu ye yáali nu muhoola uwa mafwomfwo ngati wu mwene.

Maliko 15:17

Vhahamuzwalizya umwenda uwa muhoola uwa mafwomfwo ngati wu mwene, vhahatavha ishipambwi isha mimvwa nu kumuvhiiha kwi itwe.

Maliko 15:20

Lwe avhasikaali ivho vhaamala kumujevhula, vhahamuzuula umwenda uwo uwa muhoola uwa mafwomfwo nu kumuzwalizya amenda gaakwe havhili. Vhahamutwala panzi, inga vhamuhomeele pa shihovhenkanyo.

Yohani 19:2

Avhasikaali vhahatavha ishipambwi isha mimvwa nu kumuzwalizya kwi itwe. Havhili vhahamuzwalizya inkanzu iya muhoola uwa mafwomfwo, ngati wu mwene.

Yohani 19:5

Pe vhahamufumwa uYeesu panzi she azwaye ishipambwi isha mimvwa kwi itwe ni nkanzu iya muhoola uwa mafwomfwo. UPilaato ahayivhuuzya impuga iya vhantu ahati, “Yeenyi wali umuntu uno.”

VaHebuli 1:1

Hali, uMulungu ahayangaga na vhataata vhiitu kutuushila ku vhakuvhwi. Ahavhombaga vhwevhulo ulwinji na ku madala aga mavhiila mu mavhiila.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 10:4

mwe pe amavhanda aga nkambaku na ga saawe gatangeefwa uvhutalamalandu inga hansi.

VaHebuli 12:24

Mufisile kwa Yeesu we akuvhakundanya avhantu nu Mulungu mu lufingwi ulupwa. Amavhanda gaakwe ge gítisile pa shihovhenkanyo kuzya vhutalamalandu vhwitu te gakulanduzya inza aga Aabeli.

VaHebuli 9:12

Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.

VaHebuli 9:13

Kulandatana nu lufingwi ulwa hali, avhapuuti vhahavhasansilaga avhantu vhe vháali vhahandamanu amavhanda aga saawe na ga nkambaku ni ilota ilya ngwada ye vhayilunguliziizye, inga vhagazelufwe ge mavhili gaavho vhweleele.

VaHebuli 9:18

Ye nongwa poosye ulufingwi ulwa hali lutávhisiilwe ishisita amavhanda aga vihanu.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.