VaHebuli 9:16 - ULufingwi uLupwa

¹⁶ Inga umuntu aaleha indajizyo izya kupwana ivintu vwakwe, indajizyo izyo zikuvhomba imbombo inga kwavha uvhwahoome kuuti umuntu uyo afuuye.

Tesitamenti Umupwa 1965

¹⁶ Shʼinga halipo ahalaji pe pakuti uvufwe vulipo kuli wʼalajizizye.

VaHebuli 9:16 ပူးပေါင်းရင်းမြစ်များ

VaLoma 5:12

Vhamwitu, uvhutalamalandu vhwínjiiye mu nsi kwi idala ilya muntu wooka nu kutuleetela uvhufwe. Kuli izyo, avhantu vhonti vhakufwa, mwe pe vhatalamalandu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 15:22

Nkuyanga vhwevhulo, mwe pe inza vwe avhantu vhonti vhakufwa kufumiilana nu Aadamu, vwe avhantu vhonti vhalizyuha kufumiilana nu Chilisiti.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

VaHebuli 9:17

Ziila zye alajiziizye zikuvha na maha inga umuntu we alajiziizye aafwa, ileelo zitakuvha na maha inga hansi inga umuntu uyo ali she mupuuma.

Yakobu 2:10

Inga umuntu akulandata indajizyo zyonti izya Mulungu, ileelo aapuvha yooka vhweleele, uMulungu akumuvhaazya kuuti apuvile zyonti.