VaHebuli 9:15 - ULufingwi uLupwa

¹⁵ Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

Tesitamenti Umupwa 1965

¹⁵ Zye zizyo ayipezilʼukuva mulamulanyi wa lwitinkanʼulupwa ukuti lwʼazifwiliye muvufwe vwe vukuletʼuvupokwa inchilanyo zya mulwitinkano ulutanzi, ukuti vonti ve visitwe vapwanʼuvupwano vwe vwafinzilwe kuli vuvo.

VaHebuli 9:15 ပူးပေါင်းရင်းမြစ်များ

Matayi 19:29

Havhili umuntu we ayilesile inyumba yaakwe, poosye avhanine vhaakwe avhanaavuli, poosye avhantanda, poosye utaata waakwe, poosye umaayi waakwe, poosye avhaana vhaakwe, poosye amagunda gaakwe kuzya izina lyane, uyo aliposheela ivwinji nu vhulanzi uvhwa shiima.

Matayi 22:3

Umwene uyo ahavhasonteelezya avhavhomvi vhaakwe kuvhiita avhantu vhe ávhalanjiiye kuuti vhinze ku winga, ileelo avheene vhahahaana kwinza.

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 25:36

Lwe náali ishitali, mwánzwaliziizye amenda. Lwe návhinile, mwínzile kumbinia. Lwe náali mu jeela, mwínzile kuneenya.’

Maliko 10:17

UYeesu ahanda kwepa paala, umuntu wumo ahamushimbiilila, ahamusugamilila, ahamuvhuziilizya ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

uLuuka 18:18

Umupiti wumo ahamuvhuziilizya uYeesu, ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

uLuuka 22:20

Lwe vhaalya, ahavhomba havhili sheshiila, ahanyatula ulupindi lwe lwáli ni divaayi, ahati, “Ulupindi ulu lwa lufingwi ulupwa, lwe lukuvhombeha kwi idala ilya mavhanda gaane ge gakwitiha ku zyinyu.

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

iMbombo izya Vhatumwa 20:32

“Ishi nkuvhavhiiha mu nyoovhe izya Mulungu na mu vhulongozi uvhwa izwi ilya vhwila vhwakwe. Izwi ilyo lye likuvhwezya kuvhazenga, nu kuuvhapa uvhupwano vhwe avhavhishiiye avhafinjile.

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

VaLoma 5:6

Yeenya, lwe twápezile tuli she swe vhayeyevhazu, lwe ahavhaliilizyo haafiha uChilisiti ahinza, ahatufwila iswe twe tutáali swe vhagolosu.

VaLoma 5:8

Ileelo uMulungu átulolesiizye kuuti atukunzite nkaani, kwi idala ilya kumufumwa uChilisiti atufwile iswe she twápezile twe vhatalamalandu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaLoma 9:24

átusavhuuye swenti, swe Vhayuuda na vhe te Vhayuuda, inga atufwile uvhwila, mwe pe átusengiinye kuuti tuvhe nu vhushindamu pooka nawo.

2 VaKolinti 3:6

Uweene we atupiiye amaha aga kuvha twe vhavhomvi avha lufingwi ulupwa, lwe lukufuma kwa Mupepo uMufinjile. Ulufingwi ulwo te ndajizyo zye zisimviilwe, mwe pe indajizyo zye zisimviilwe zikuleeta uvhufwe, ileelo uMupepo uMufinjile akuleeta uvhulanzi.

VaGalati 3:20

We akukundanya akwanzilwa inga imbazu zivhili zikuvhiiha ulufingwi. Ileelo uMulungu ali wooka, poosye vhwevhulo, uweene ávhiisile ulufingwi nu Aabulahamu ishisita kuvha we akukundanya.

VaEfeso 1:7

Kutuushila uMwana waakwe uyo kufwa pa shihovhenkanyo, tutavhuliilwe, kwe kuuti tuswiliilwe uvhutalamalandu vhwitu. Izi zivhombesile kulandatana nu vhupiti uvhwa vhwila vhwakwe

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

VaHebuli 10:34

Havhili muhavhafwilaga uvhwila avhamwinyu vhe vhákunziilwe mu jeela. Havhili lwe vhavhafwula ivwuma vwinyu, muhaseshelaga mu mooyo giinyu, mwe pe mwámanyile kuuti muli ni vintu ivwinza nkaani vwe vitakusila naalumo.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

VaHebuli 12:24

Mufisile kwa Yeesu we akuvhakundanya avhantu nu Mulungu mu lufingwi ulupwa. Amavhanda gaakwe ge gítisile pa shihovhenkanyo kuzya vhutalamalandu vhwitu te gakulanduzya inza aga Aabeli.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 6:13

Yeenya, hali lwe uMulungu akufinga kwa Aabulahamu, álafile kwi izina lyakwe wuuyo, mwe pe atáliipo naawumo we áamile mupiti kumuluusya uweene we angaalapa ku kwakwe.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

VaHebuli 7:22

Kulandatana ni shilapo isho, uYeesu we wu hapinjiha uwa lufingwi ulupwa, lwe lwinza nkaani kuluusya ulwa hali.

VaHebuli 8:13

UMulungu lwe akuti, “Ulufingwi ulu lupwa,” yikulolesya kuuti ulufingwi ulwa hali lukalifile. Havhili ishintu shonti she shikalifile nu kulala, shikuvha shipalamiiye kulovha.

VaHebuli 9:12

Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.

VaHebuli 9:16

Inga umuntu aaleha indajizyo izya kupwana ivintu vwakwe, indajizyo izyo zikuvhomba imbombo inga kwavha uvhwahoome kuuti umuntu uyo afuuye.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.