VaHebuli 9:14 - ULufingwi uLupwa

¹⁴ Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

Tesitamenti Umupwa 1965

¹⁴ pe gapele poshi lelo agenʼamavanda ga Chilisiti, wʼayitwaye weka umusitamazota nagamo fwe ngati mputile kwa Mulungu mwa Mupepo wa shima, ukuzizelufwʼinyenyezyo zyitu nukwefwʼimbombʼimfwe zyitu ukuti tumuvombele uMulungu umulanzi.

VaHebuli 9:14 ပူးပေါင်းရင်းမြစ်များ

Matayi 12:28

Ileelo ine inga nkushimbizya impepo inkandamanu ku maha aga Mupepo uwa Mulungu, pe uvhumwene uvhwa Mulungu vhwinzile kuli imwe.

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

uLuuka 1:74

kuuti alitupoha mu vhalugu vhiitu, inga tumuvhombelaje uweene ishisita ilyoga.

uLuuka 12:24

Yeenya amagwangwale, gatakuvhwala poosye kuvuna, havhili gatali ni nkoma poosye inga pooka pe gasenguuye iviyavho, ileelo poosye vhwevhulo uMulungu akugaliisya. Vhuli, imwe mutali ni nsavho nkaani pilongolela ilya Mulungu kuluusya inyunyi izyo?

uLuuka 12:28

Ishi inga uMulungu akugazwalizya amatundu aga mwi ilaala inza isho, poosye she gakuhondela ku havhaliilizyo hansi vhweleele, indaavhi gakusumbwa mu mwoto, vhuli, atangavhazwalizya ahinza nkaani imwe? Mukusukumizya ku lwitiho lwinyu ulunsi.

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

iMbombo izya Vhatumwa 1:2

kufishila isiku lye ányatuliilwe kusogola ku mwanya. Lwe ashiili kunyatulwa, uMupepo uMufinjile ahamulongola kuvhalajizya avhatumwa vhaakwe vhe ávhasavhuuye, vwe yikwanzilwa vhavhombaje imbombo.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 14:15

vhahati, “Mwe vhantu! Shooni she mukuvhomba izi? Niiswe swe vhantu inza imwe! Tukuvhalumbiilila Izwi iLyinza, inga mupindushe nu kuzileha izya shaaha izi, havhili mumulandate uMulungu uMulanzi. Uweene we ahapela imwanya ni nsi nu sumbi, na vwonti vwe vili muumwo.

iMbombo izya Vhatumwa 15:9

UMulungu atásavhuliinye inga hansi, ku kwitu na ku kwavho, ahazelufwa amooyo gaavho kwi idala ilya kumwitiha uYeesu.

VaLoma 1:20

Kufuma ku vhwandilo uvhwa nsi, uMulungu ápezile ivintu vwonti kwi idala lye pooka nu kuuti vhatakumulola, vhangamumanya vwe ali. Ivintu vwe ápezile vikulolesya kuuti uMulungu ali na maha aga shiima, havhili uweene wu Mulungu wuuyo weeka, ataliipo uwunji. Kuli izyo, avhantu vhatangayanga kuuti vhatamumanyile.

VaLoma 1:4

Uyo we uMulungu ámuzyusiizye ku maha aga Mupepo uMufinjile. Kwi idala ilyo, áhomesheziizye kuuti Mwana wa Mulungu uwa Maha Gonti. Uyo we wu Mwene wiitu uYeesu Chilisiti.

VaLoma 11:12

Ishi, inga avhantu vhe te Vhaisilayeeli vháposheleeye uvhwila uvhupiti nkaani kufumiilana na Vhaisilayeeli kumuhaana uMuposhi, pe ishi vhaliposheela ilonka ipiti nkaani lwe aVhaisilayeeli vhakugaluha nu kumwitiha uMuposhi.

VaLoma 11:24

Nkuyanga vhwevhulo, mwe pe imwe mwe nsamba izya izayituuni ilya mwi ilaala, mudiviilwe nu kusopeelwa pe padiviilwe mwi izayituuni ilya kuvhwalwa lye te shifumo shiinyu. Ishi pe yitaliivha shitonsu nkaani insamba izya izayituuni ilya kuvhwalwa kusopeelwa havhili mwi izayituuni ilyo lye lye shifumo isha nsamba izyo.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

VaGalati 2:19

Yeenya, nkazilandataga indajizyo izya Moose, ileelo ahavhaliilizyo iha, uvhulanzi vhwane uvhwa mu ndajizyo vhusizile, inga uvhulanzi vhwane vhuvhe mwa Mulungu.

VaEfeso 2:5

ahaatupa uvhulanzi pooka nu Chilisiti. Ávhomvile vhwevhulo, lwe twámile swe vhafwe, mwe pe twámile swe vhatalamalandu. Kwe ku vhwila vhwakwe, uMulungu avhaposile.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 10:10

Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.

VaHebuli 10:12

Ileelo uChilisiti áyifumwizye lwoka vhweleele kuvha mpuutile, inga atuzelufwe uvhutalamalandu vhwitu. Uweene we mpuutile iya shiima. Kuli izyo, atendiime uluvhazu ulwa nyoovhe iya kundiilo iya Mulungu pa vhushindamu uvhupiti nkaani.

VaHebuli 10:2

Inga uMulungu nalyoli ahavhazelufwaga uvhutalamalandu vhwavho avhantu ivho vhe vhahamupuutaga kwi idala ilya kulandata indajizyo, nkandi vhatahajendelelaga kuyilola mu mooyo gaavho kuuti vhatalamalandu. Havhili, nkandi vhálesile kufumwa impuutile zyavho, mwe pe uMulungu, nkandi avhazelufwizye lwoka vhweleele.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 11:21

Mwe pe uYaakobu ámwitisile uMulungu, lwe apalamila kufwa, ávhaloosite avhaana vhavhili avha Yoosefu, nu kumupuuta uMulungu she ayegamiiye indoogo yaakwe.

VaHebuli 13:12

Ye nongwa uYeesu woope áyimviliilwe nu kumugoga panzi iya shikwilo ishipiti isha nkaaya iya Yelusaleemu, inga avhazelufwe avhantu uvhutalamalandu vhwavho kwi idala ilya mavhanda gaakwe.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.

VaHebuli 7:16

Uweene atávhisiilwe kuvha mupuuti kufuma mu nkolo iya Laawi inza vwe indajizyo izya Moose zihayangaga, ileelo ávhisiilwe kuvha mupuuti ku maha aga vhulanzi vhwakwe vhwe vhutali nu vhusililishilo.

VaHebuli 7:27

Avhapuuti avhapiti vhahanzilwaga kufumwa impuutile izya vhutalamalandu vhwavho. Lwe vhavhomba vhwevhulo, pe vhahafumwaga impuutile izyamwavho ku vhutalamalandu uvhwa vhantu avhanji. Havhili vhahavhombaga vhwevhulo ulwinji. Ileelo uYeesu atávhomvile inza avhapuuti avhapiti ivho. Uweene áyifumwizye pa shihovhenkanyo lwoka vhweleele ku vhutalamalandu uvhwa vhantu vhonti.

VaHebuli 9:12

Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.

VaHebuli 9:26

Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

VaHebuli 9:7

Ileelo umupuuti umupiti weeka we ahitishilwaga kwinjila ishumba isha vhuvhili, woope ahinjilaga lwoka vhweleele ku mwaha. Havhili ahanzilwaga kwinjila na mavhanda aga shihanu she shivholiilwe nu kumufumwizya uMulungu. Ahavhombaga vhwevhulo, kuzya vhutalamalandu vhwakwe wuuyo nu vhwa vhantu avhanji vhonti vhwe vhahavhombaga ishisita kumanya.

VaHebuli 9:9

Imbombo zyonti zye zihavhombehaga mwi Iheema liila, shiholanyo isha mbombo izya havhaliilizyo iha. Nkuyanga vhwevhulo, mwe pe ivipeelwa ni mpuutile zye vhakumufumwizya uMulungu vitangazelufwa amooyo aga vhantu vhe vhakumupuuta uMulungu.

1 Peteli 1:19

nkandi ku mavhanda aga nsavho aga Yeesu Chilisiti we ali inza ahagonzi he hatali ni ibada poosye uvhunanzi.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.