VaHebuli 8:9 - ULufingwi uLupwa

⁹ Ulufingwi ulupwa ulwo te luhaavhe inza luula ulwa hali lwe návhiisile na vhataata vhaavho, ahavhaliilizyo haala he návhalemile ni nyoovhe kuvhalongola kufuma mu nsi iya Miisili. Avheene vhatáamile vhatungamu kulandata ulufingwi lwane ulwa hali. Ye nongwa niine ntávhasajiiye.

Tesitamenti Umupwa 1965

⁹ te lya kulandata mulwitinkano lwe nitinkine navayise umusanyʼula wʼumuhono wane ahavalema ukuvafumwa munsi ya mw-Egipiti, shʼavene vatasyelemeteye mulwitinkano lwane, ilelo nane pe nkasitʼukuvasajila, lyʼakuyangʼuMwene.

VaHebuli 8:9 ပူးပေါင်းရင်းမြစ်များ

Maliko 8:23

UYeesu ahamulema inyoovhe untonko ula, ahasogola nawo kunzi ku nkaaya. Ahamuswilila amati mu minso, nu kumuvhiishila inyoovhe, pe ahamuvhuziilizya ahati, “Ukulola ishooni?”

iMbombo izya Vhatumwa 13:11

Ishi, uMWENE kwe aakupe isunde, kuuti uvhe we ntonko, te uvhulole uvhuzelu uvhwa izuvha ku havhaliilizyo hamo.” Naluvhiilo, ishiisi shihamudinda uEelima ku minso, ahaleha kulola, ahanda kupulumba kulondola umuntu uwa kumulema inyoovhe, inga amulongole.

iMbombo izya Vhatumwa 7:36

UMoose we ávhalongoziizye kufuma ku Miisili, kwi idala ilya kuvhomba izya kusukumizya ni vilolesyo ku Miisili na mwa sumbi uwa Shaamu na mu luugwa, ku havhaliilizyo aha maaha 40.

iMbombo izya Vhatumwa 9:8

Pe uSaavhuli ahimiilila, ahadaamula, ileelo atahalola. Avhamwavho vhahamulema inyoovhe nu kumuteteesya, kumutwala mu Damaasiki.

VaGalati 4:24

Inongwa izyo shiholanyo. Avhantanda ivha vhavhili vhali inza ulufingwi ulwa hali nu lufingwi ulupwa. Ulwa hali lwe lula lwe lwávhombesile pi igamba uSinaayi, luholiine nu Haajili, avhaana vhaakwe vhakupaapwa mu vhuzya.