VaHebuli 8:6 - ULufingwi uLupwa

⁶ Ileelo uChilisiti apeliilwe imbombo iya vhupuuti ye nyinza nkaani kuluusya iya vhapuuti aVhayuuda. Uweene we akuvhakundanya avhantu nu Mulungu ku lufingwi lwe lwinza kuluusya luula lwe avheene vhahaluvhombelaga. Havhili ulufingwi ulwo luzengwilwe pa lwalo ulwinza nkaani kuluusya ulufingwi luula ulwa hali.

Tesitamenti Umupwa 1965

⁶ Nkandi shinishi ayipezilʼukuva muvombezi wa pambombʼindusyi Uvwinza, inza shʼayipezile ukuva mulamulanyi wa lwitinkano ululusyʼuvwinza, lwe lusimfile mulumfingwi ululusyʼuvwinza.

VaHebuli 8:6 ပူးပေါင်းရင်းမြစ်များ

uLuuka 22:20

Lwe vhaalya, ahavhomba havhili sheshiila, ahanyatula ulupindi lwe lwáli ni divaayi, ahati, “Ulupindi ulu lwa lufingwi ulupwa, lwe lukuvhombeha kwi idala ilya mavhanda gaane ge gakwitiha ku zyinyu.

VaLoma 9:4

Ivho vhe Vhaisilayeeli, vhe uMulungu ávhavhiisile kuuti vhavhe vhaana vhaakwe, ahavhalolesya uvhushindamu vhwakwe nu kuvhiiha ulufingwi navho. Havhili ahaavhapa indajizyo zyakwe nu kufinga vwe aliivhapa, nu kuvhavhuuzya vwe yikwanzilwa kumupuuta.

VaEfeso 2:12

ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 12:24

Mufisile kwa Yeesu we akuvhakundanya avhantu nu Mulungu mu lufingwi ulupwa. Amavhanda gaakwe ge gítisile pa shihovhenkanyo kuzya vhutalamalandu vhwitu te gakulanduzya inza aga Aabeli.

VaHebuli 7:22

Kulandatana ni shilapo isho, uYeesu we wu hapinjiha uwa lufingwi ulupwa, lwe lwinza nkaani kuluusya ulwa hali.

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.