VaHebuli 8:5 - ULufingwi uLupwa

⁵ Avhapuuti ivho vhakumuvhombela uMulungu aPafinjile pe shiholanyo vhweleele isha Pafinjile apa ku mwanya. Ye nongwa uMoose lwe akuyisengaanya kuzenga Iheema ilya kumupuutila uMulungu, uMulungu ámusosile átili, “Yeenya, ukwanzilwa kuzenga vwonti kulandatana na zyonti zye nkulolesiizye mwi igamba uSinaayi.”

Tesitamenti Umupwa 1965

⁵ ve vakushivombela ishiholanyo nishinzyunguli sha ṿwa kumwanya, inza shʼuMose atejelezizye mushitushizya lwʼutuvalilizyo twa kuyananyʼihema tupalamiye, she shatili: Yenya, uyananye iṿintu ṿwonti ukulandata mushiholanyo she washiwenyi pigamba.

VaHebuli 8:5 ပူးပေါင်းရင်းမြစ်များ

Matayi 2:12

Lwe zyavha vhwevhulo, uMulungu ahavhasoha mu njozi, kuuti vhatahinze vhagalushe havhili kwa Heelodi. Pe vhahavhwela mu nkaaya yaavho kutuushila idala ilinji.

iMbombo izya Vhatumwa 7:44

“Kwi ilaala kuula avhataata vhiitu vháamile ni Iheema ilya Vhwahoome. Iheema ilyo lyágomviilwe inza vwe uMulungu ámulajiziizye uMoose, kulandatana ni shiholanyo she ámulolesiizye.

Kolosi 2:17

Amiiho igo, shiholanyo isha zye aVhayuuda vhásuvhiiye kuuti zikwinza. Ileelo izya nalyoli zikuloleha mwa Chilisiti.

VaHebuli 10:1

Indajizyo izya Moose shiholanyo isha nyinza zye zikwinza. Ye nongwa zyope impuutile zye avhantu vhakufumwa amaaha gonti kulandatana ni ndajizyo izyo, zitangavhavhiiha kuvha vhalunjisu naalumo avhantu vhe vhakumupuuta uMulungu.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 13:10

Tuli ni shifinjilo she avhapuuti vhe vhakumuvhombela uMulungu mwi Iheema, vhatakwitishilwa kulya impuutile zye zili pa shifinjilo isho.

VaHebuli 9:9

Imbombo zyonti zye zihavhombehaga mwi Iheema liila, shiholanyo isha mbombo izya havhaliilizyo iha. Nkuyanga vhwevhulo, mwe pe ivipeelwa ni mpuutile zye vhakumufumwizya uMulungu vitangazelufwa amooyo aga vhantu vhe vhakumupuuta uMulungu.

Ishitushizya 15:5

Lwe zyatuuha izyo, nkalola ku mwanya aPafinjile apa Mulungu mwi Iheema lyakwe ilya Vhwahoome pali ukwazi.