VaHebuli 7:26 - ULufingwi uLupwa

²⁶ Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

Tesitamenti Umupwa 1965

²⁶ She zyahondeye ukuti tuvanje nuwashiputʼumupiti wʼali inza shʼuno, umufinjile, umusitambivi, umusitamazota, wʼafupusile kuvutalamalandu, havili wʼayipezilʼukuva mutunyusu kunsi zyonti izya kumwanya.

VaHebuli 7:26 ပူးပေါင်းရင်းမြစ်များ

Matayi 27:18

Ávhavhuziliziizye isho, mwe pe ámanyile kuuti avhalongozi vhaala, vhámutwaye uYeesu ku kwakwe, mwe pe vháali nu mwone.

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 23:22

UPilaato ahayanga navho havhili ulwa vhutatu ahati, “Ahomeelwe ku nongwa vhuli? Umuntu uno, ananzile ishooni? Ine ntakulilola naalimo ku kwakwe lye likwanzilwa kumugoga! Ishi ahomwe ni ndiisa pe kuuti imusatule.”

uLuuka 23:41

Iswe tukwanzilwa kuposheela isunde ili, mwe pe tulonziilwe ku malandu ge tutazile. Ileelo uno, atatazile umulandu naawumo.”

uLuuka 23:47

Umupiti uwa vhasikaali lwe aalola zye zyavhombeha, ahamutiima uMulungu ahati, “Nalyoli umuntu uno aamile mugolosu!”

uLuuka 24:26

Vhuli, uChilisiti atanzilwaga kutuushila mu mayimba igo gonti, pe pisinda ayinjile mu vhushindamu vhwakwe?”

uLuuka 24:46

ahavhavhuuzya ahati, “Yisimviilwe mu Vhusimbe uVhufinjile kuuti, uChilisiti aliyimvilwa nu kufwa, ileelo isiku ilya vhutatu, alizyuha.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 8:29

UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

iMbombo izya Vhatumwa 3:14

Imwe muhamuhaana uYeesu, we Mufinjile wa Mulungu havhili Mugolosu. Ileelo muhalaavha kuuti, umuntu we mugozi we asatulwe!

iMbombo izya Vhatumwa 4:27

Nalyoli vwe zili! Umwene uHeelodi nu Pontiyo uPilaato pooka na Vhaisilayeeli na vhantu avha nsi izinji vhavhungiine mu nkaaya ino, kuzya Yeesu umuvhomvi waaho umufinjile. Havhili uyo we wámusevile kuuti avhe wu Chilisiti.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 2:10

Yámuhondeziizye uMulungu we ávipezile ivintu vwonti, nu kuvivhiiha inza vwe vili, kumutemwa kuvha mulongozi uweene we vhwandilo uvhwa vhuposhi kwi idala ilya mayimba. Ávhomvile vhwevhulo, inga uYeesu avhinjizye avhiitisi avhinji mu vhushindamu vhwakwe.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 7:11

Indajizyo izya Moose zyínzile ku Vhaisilayeeli kutuushila ku vhapuuti vhe vhantu vha mu luho ulwa Laawi. Ileelo poosye vhwevhulo, uvhupuuti uvhwo vhutáali vhulunjisu. Kuli izyo, vhuhanzilwaga uvhupuuti uvhunji vhwe vhuli inza uvhwa Melikizeedeki vhwe vhutali inza uvhwa Aaloni.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

1 Peteli 1:19

nkandi ku mavhanda aga nsavho aga Yeesu Chilisiti we ali inza ahagonzi he hatali ni ibada poosye uvhunanzi.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: