VaHebuli 6:4 - ULufingwi uLupwa

⁴ Ishi avhantu vhe vhalesile kumwitiha uMulungu, tungavhagalusya inza vhuli? Avhantu ivho ku vhwandilo vhásambiliiye uvhwanalyoli uvhwa Mulungu, nu kupeelwa ivipeelwa kufuma ku mwanya, nu kuposheela uMupepo uMufinjile.

Tesitamenti Umupwa 1965

⁴ Shʼavenʼava ve vapelilwʼuluhozyo lyoka, ava ve vatomoyʼiṿikunjilwa ṿwa kumwanya nava ve vayipezilʼukuva valilani va MupepʼuMufinjile,

VaHebuli 6:4 ပူးပေါင်းရင်းမြစ်များ

Matayi 12:45

pe yikusogola kuzileeta impepo izyamwavho 7 zye nkandamanu kuluusya iyeene. Impepo zyonti izyo zikwinjila mwa muntu uyo, nu kutendama munuumwo. Pe umuntu uyo akuvha havhiivhi nkaani kuluusya ku vhwandilo. Vhwevhulo, vwe ziliivha na ku vhantu avhavhiivhi avha havhaliilizyo iha.”

Matayi 5:13

UYeesu ahajendeelela kuyanga, ahati, “Imwe mwe livheeya ilya mu nsi. Ileelo ivheeya inga lyasuupa, shiliipo she shingalinonia? Litangaahola havhili ishintu shonti, nkandi likuvha lya kwita panzi, nu kulihanyanjila.

Yohani 15:6

Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

Yohani 3:27

UYoohani ahavhaamula ahati, “Umuntu atangavha ni shintu, inga uMulungu atamupiiye.

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

Yohani 6:32

Pe uYeesu ahavhavhuuzya ahati, “Nalyoli nkuvhavhuuzya kuuti, te wu Moose we ávhapiiye avhataata vhiinyu ishaakulya kufuma ku mwanya, nkandi wu Taata waane we poosye ishi akuuvhapa imwe ishaakulya isha nalyoli kufuma ku mwanya.

iMbombo izya Vhatumwa 10:45

AVhayuuda vhe vhámwitisile uYeesu vhe vháali nu Peeteli vhahasukumila lwe vhaalola kuuti, avhantu vhe te Vhayuuda vhoope ishikunjilwa isha Mupepo uMufinjile shavhiishila.

iMbombo izya Vhatumwa 11:17

Ishi inga uMulungu ávhapiiye avhantu ivha ishikunjilwa sheshiila she átupiiye niiswe, swe tumwitisile uMwene uYeesu Chilisiti, ine ne naanu ne ingasivhiilila kuuti ingamuhaana uMulungu?”

iMbombo izya Vhatumwa 15:8

UMulungu we amanyile amooyo aga vhantu, ahalolesya kuuti avhitisile, mwe pe vhoope ahaavhapa uMupepo uMufinjile inza iswe.

iMbombo izya Vhatumwa 8:20

UPeeteli ahamwamula ahati, “Uteejele ukutali, iwe pooka ni mpiiya zyaho! Ukusiivha kuuti ungaakala ishikunjilwa isha Mulungu!

VaLoma 1:11

Nyonyiilwe nkaani kuvhavuula, inga ninze indilizanye ishikunjilwa isha mwa Mupepo uMufinjile isha kuvhagomwa amooyo giinyu,

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaGalati 3:2

Zye nkwanza kumanya kuli imwe zye zino: Vhuli, mwáposheleeye uMupepo uMufinjile kwi idala ilya kulandata vwe zikwanza indajizyo, pamo kwi idala ilya kutejeelezya Izwi iLyinza ilya Yeesu nu kulyitiha?

VaGalati 3:5

Vhuli, uMulungu akuuvhapa uMupepo uMufinjile nu kuvhomba amafindango pahati yiinyu kwi idala ilya kulandata indajizyo, pamo kwi idala ilya kutejeelezya Izwi iLyinza ilya Yeesu nu kulyitiha?

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:8

Kwe ku vhwila vhwakwe uMulungu avhaposile kwi idala ilya kumwitiha uChilisiti. Nalyoli, uvhuposhi uvhwo vhutakufumiilana niimwe, shipeelwa isha vhweleele kufuma kwa Mulungu.

VaEfeso 3:7

UMulungu ku vhwila vhwakwe, ánsavhuuye kuvha ne muvhomvi uwa kulumbiilila Izwi iLyinza. Ámfwiliiye uvhwila uvhwo, kulandatana na maha gaakwe amasisya,

VaEfeso 4:7

Ileelo muli iswe uChilisiti ahatuloota ivikunjilwa ivipiti swenti, kulandatana na vwe uweene ahanzaga kufumwa.

1 Timoti 4:14

Utahaaleshe kushivhombela ishikunjilwa she uMulungu akupiiye, ku mazwi aga vhakuvhwi, ahavhaliilizyo he avhasongo vhákuvhishiiye inyoovhe zyavho.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

2 Timoti 4:14

UAlekizanda ula we akusyana ishaaba, ámbombeeye havhiivhi nkaani. UMwene uYeesu alimulonga ku mbombo zyakwe zye ámbombeeye.

VaHebuli 10:32

Ileelo mukumbushe ahavhaliilizyo haala aha ku vhwandilo, lwe mwamwitiha uChilisiti. Pooka nu kuuti muhayimvilwaga nkaani, muhajimbililaga amayimba igo.

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

1 Yohani 5:16

Kuli uvhutalamalandu vhwe vhutakumuvhiiha umuntu ukutali nu Mulungu shiima shiima. Inga wumo muli imwe akumulola uwamwavho akuvhomba uvhutalamalandu inza uvhwo, amulavhilaje kwa Mulungu, woope uMulungu aliimupa uvhulanzi. Yikuvha vhwevhulo, ku vhaala vhe vhakuvhomba uvhutalamalandu inza uvhwo. Ileelo kuli uvhutalamalandu vhwe vhukumuvhiiha umuntu ukutali nu Mulungu shiima shiima. Ine ntakuti amulavhilaje kwa Mulungu ku vhutalamalandu inza uvhwo.