VaHebuli 6:2 - ULufingwi uLupwa

² Havhili tutavhuyiilaje kusambiilizya insambiilizyo izya kwozelwa, ni zya kuvhavhiishila avhantu inyoovhe kuvhatemwa pa mbombo, ni zya kuzyuha, ni zya vhulonzi uvhwa shiima.

Tesitamenti Umupwa 1965

² nulwa nsambilizyo zya lwozyo, nulwa kuvavihʼinyove, nulwa kuzyuhʼavafwe, nulwa vulonzi vwa shimashima.

VaHebuli 6:2 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Matayi 3:14

Ileelo uYoohani ahalinga kuhaana, ahamuvhuuzya uYeesu ahati, “Shooni she ukwinza kuli ine kuuti nkwozye? Iwe we ukwanzilwa kuuti unoozye.”

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

Maliko 7:4

Havhili inga vhaafuma ku nsokooni, inga vhatayizelufwizye, vhatahalyanga. Kwámile ni zinji inyinji izya kulandata, inza kwozya impindi ni nsonta ni viliilo ivwa kuteleshela.

Maliko 7:8

Imwe mulesile indajizyo izya Mulungu, mulemile amaata aga vhantu.

uLuuka 11:38

UMufalisaayi uyo lwe aalola uYeesu akulya ishisita kuvhomba amaata gaavho aga kugeeza mu nyoovhe, ahasukumila nkaani.

uLuuka 12:50

Niine ndi na mayimba ge nkwanzilwa kutuushila, kwe njendeelele kuyimba nkaani mu mwoyo waane, kufishila kuuti galunjishe.

uLuuka 14:14

Pe niiwe uliivha nu vhuloote, mwe pe ivho vhatali ni vintu ivwa kukugalusizya. UMulungu we alikugalusizya, ahavhaliilizyo he alivhazyusya avhagolosu.”

uLuuka 3:16

Pe uYoohani ahavhavhuuzya vhonti ahati, “Nalyoli ine nkuvhoozya na minzi, ileelo akwinza we ali na maha kunduusya ine, we ine ntahondeeye poosye kuvha ne muvhomvi uwa kusatula inkusa izya vilyatu vwakwe. Uyo we alivhoozya nu Mupepo uMufinjile nu mwoto.

Yohani 1:33

Ine ntámumanyile, ileelo uMulungu we ánsonteleziizye kwozya avhantu na minzi we ámbuziizye átili, ‘Inga wamulola umuntu we uMupepo waane kufuma ku mwanya akwiha pamwanya yaakwe nu kusyala pooka nawo, we alivhozyaga avhantu nu Mupepo uMufinjile.’”

Yohani 5:29

vhoope vhalizyuha nu kufuma mu mbiipa zyavho. Vhonti vhe vhahavhombaga inyinza, vhalipeelwa uvhulanzi uvhwa shiima. Ileelo vhonti vhe vhahavhombaga uvhutalamalandu, vhalipeelwa isunde.”

iMbombo izya Vhatumwa 10:47

“Avhantu ivha vhoope vhamuposheela uMupepo uMufinjile inza vwe niiswe twámuposheleeye. Wu naanu we angahaana kuuti vhatahoozelwe na minzi?”

iMbombo izya Vhatumwa 13:3

Lwe vhamupuuta uMulungu nu kuyiima kulya havhili, vhahavhavhiishila inyoovhe avha Balinaaba nu Saavhuli kuvhaloota, pe vhahavhaleha kuuti vhasogole.

iMbombo izya Vhatumwa 16:15

Ahoozelwa uweene pooka na vhantu avha mu nyumba yaakwe, ahatulambiilizya kuuti tusogole ku kwakwe, ahati, “Inga mwandola kuuti nalyoli namwitiha uMwene uYeesu, mwinjile mu nyumba yaane, mutendame.” Pe ahatusinjiilizya kuuti, tusogole nawo.

iMbombo izya Vhatumwa 16:33

Ahavhaliilizyo hehaala aha vhusiku, ahavhanyatula, ahavhoozya amalonda gaavho, pe uweene na vha mu nyumba yaakwe vhahoozelwa ishisita kuhaavha.

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 2:41

Avhantu avhinji vhahagiitiha amazwi gaakwe isiku liila, vhahoozelwa, vhahonjela avhantu vhe vháfishiiye 3,000 ishi.

iMbombo izya Vhatumwa 23:6

UPaavhuli ahamanya kuuti, mu lukuvhato muula muli aVhasadukaayi na Vhafalisaayi. Pe ahayanga kwi izwi ahati, “Vhamwitu, ine ne Mufalisaayi, havhili ne mwana wa Mufalisaayi. Ipa nkulongwa, mwe pe nkwitiha uvhwanalyoli uvhwa kuuti, avhafwe vhalizyuha.”

iMbombo izya Vhatumwa 24:15

Ine nkwitiha uvhwanalyoli kuuti, uMulungu alivhazyusya avhantu vhonti, avhagolosu na vhe te vhagolosu, inza vhoope vwe vhakwitiha.

iMbombo izya Vhatumwa 24:21

Vhanga pamo vhaavhwenyi kuuti havhiivhi izwi lye naayanzile kuuti, ‘Ine nkulongwa pilongolela lyinyu ileelo ili, mwe pe nkuhomeelezya kuuti avhafwe vhalizyuha!’”

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”

iMbombo izya Vhatumwa 26:8

Shooni she imwe mukulola shigomu kwitiha kuuti uMulungu alivhazyusya avhafwe?

iMbombo izya Vhatumwa 4:2

Avhapiti ivho vhávisiitwe, mwe pe uPeeteli nu Yoohani vhahasambilizyaga nu kuvhalumbiilila avhantu kuuti uYeesu azyusile. Inongwa izi zihalolesyaga uvhwanalyoli kuuti vhe vhafuuye vhalizyuha.

iMbombo izya Vhatumwa 6:6

Vhahavhavhiiha pilongolela ilya vhatumwa. Pe avhatumwa ivho vhahavhapuutila, nu kuvhavhiishila inyoovhe pamwanya yaavho kuvhaloota.

VaLoma 2:16

Vwe ziliivha isiku ilya vhulonzi, lye uMulungu alivhalonga avhantu kwi idala ilya Chilisiti uYeesu, poosye ni nsiivho izya vhuzigizigi. Izwi iLyinza lye nkukumusya vwe likuyanga.

1 VaKolinti 10:2

Kulongolwa ni ivhingo ilyo nu kutuuha pahati pa sumbi, kwáli inza kwozelwa nu kuvha vhalandati vha Moose.

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

2 VaKolinti 5:10

Nkuyanga vhwevhulo, mwe pe iswe swenti tuliyimiilila pilongolela ilya Chilisiti, nu kulongwa. Avhantu vhonti vhaliposheela amalipilo aga mbombo zye vhakuvhomba mu nsi umu, zivhe nyinza, poosye zivhe mbiivhi.

Filipi 3:21

Uweene aligalulanya amavhili giitu ge gayeyevhaaye, inga gaholane nu muvhili waakwe uwa vhushindamu. Alivhomba isho ku maha gaakwe aga kukonzya ivintu vwonti.

Kolosi 2:12

Kwi idala ilya kwozelwa, mwáfuuye nu kusyilwa pooka nu Chilisiti. Havhili kwi idala ilyo, mwázyusile pooka nu weene, kutuushila kugiitiha amaha aga Mulungu we ámuzyusiizye.

2 Timoti 2:18

Ivho vhapuvile nkaani, vhavhulesile uvhwanalyoli. Vhakusambiilizya kuuti kuzyuha ukwa vhafwe kuhatuuha. Kuli izyo, vhakunanganya ulwitiho ulwa vhanji.

VaHebuli 11:35

Mwe pe avhantanda vhamo vhámwitisile uMulungu, vhávhaposheleeye avhajenzi vhaavho vhe vhápezile vhafuuye lwe vhazyuha. Vhamo vháhaanile kuuti vhavhavhiishe kuvha vhasatushe, mwe pe vhávhwenyi kuuti hinza kuyimvilwa nu kuvhagoga kuluusya kumuleha uMulungu. Vhávhomvile vhwevhulo, inga uMulungu avhazyusye nu kuuvhapa uvhulanzi uvhwinza nkaani.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.

2 Peteli 3:7

Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.