VaHebuli 6:17 - ULufingwi uLupwa

¹⁷ Woope uMulungu ahanzaga kulolesya apazelu ku vhantu vhe vhaliposheela ziila zye áfinzile kuuti te ahazyandule. Ili lye lyápeleeye kuuti ahomeshezye ulufingwi lwakwe kwi idala ilya kulapa.

Tesitamenti Umupwa 1965

¹⁷ IlelʼuwenʼuMulungu lwʼatili mpitilizyaje ukuvavuzya avapwanavupwano vwa lumfingwi ukuti lutakugalunkana nalumo, pʼahaviha nishilapo pupo;

VaHebuli 6:17 ပူးပေါင်းရင်းမြစ်များ

Yohani 10:10

Umwivha akwinza ni nsiivho izya kwivha nu kugoga nu kunanganya. Ileelo ine ninzile, inga zivhe nu vhulanzi, havhili zivhe navhwo ku vhwinji.

VaLoma 11:29

Akujendeelela kuvhakunda, mwe pe uMulungu atakwandula insiivho zyakwe kuli ivho vhe avhiisite nu kuuvhapa ivipeelwa.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

VaEfeso 1:11

Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

VaHebuli 11:9

Havhili, mwe pe uAabulahamu ámwitisile uMulungu, álandiiye fwe mujeni mu nsi iyo. Ahalandilaga mu maheema inza vwe vhoope avha Yisaaka nu Yaakobu vhálandiiye pilongolela. Vhoope vhweleele vháposheleeye ulufingwi lweluula ulwa nsi inza vwe uAabulahamu áposheleeye.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

VaHebuli 6:16

Lwe avhantu vhakulapa, vhakulapa kwi izina ilya ula we mupiti kuluusya avheene, havhili kulapa ukwo kukuhomeshezya kuuti ziila zyonti zye vhakuziyanga zya nalyoli. Kuvhomba vhwevhulo, kukumala amadali.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.