VaHebuli 5:13 - ULufingwi uLupwa

¹³ Yeenya, umuntu wonti we akulandila kwi izivha vhweleele, mwana umucheeche we atazimanyile ingolosu.

Tesitamenti Umupwa 1965

¹³ Shʼumuntu wonti we suti akungʼwelʼiziva wʼatavelezinye nizwi lya vugolosu, she mucheche vwelele uwene.

VaHebuli 5:13 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Maliko 10:15

Nalyoli nkuvhavhuuzya kuuti, umuntu wonti we atakumusuuvhila uMulungu inza umwana vwe akumusuuvhila utaata waakwe, te ahinjile naalumo mu vhumwene uvhwa Mulungu.”

VaLoma 2:20

Havhili, ukuyilola kuuti we musambiilizi uwa vhaana na vhantu avhapukupuuku, mwe pe indajizyo zyaho zikukuvhuuzya inongwa izya vhushindamu uvhwa njeele vhwonti nu vhumanyinsanyi uvhwa nalyoli.

1 VaKolinti 13:11

Lwe náali ne mwana, nkayangaga ngati ne mwana, nu kumanya ngati ne mwana, nu kusiivha ngati ne mwana. Ileelo lwe navha ne songo, nkazileha izya shaana.

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 VaKolinti 3:1

Vhamwitu, lwe náali kuli imwe ntahayangaga niimwe fwe nkuyanga na vhantu vhe vhakulongolwa nu Mupepo uMufinjile, nkandi fwe nkuyanga na vhantu vhe vhakulongolwa nu vhuntu uvhwa vhutalamalandu, havhili fwe nkuyanga na vhaana avhacheeche kumwitiha uChilisiti.

2 VaKolinti 3:9

Inga imbombo zye zikuvhavhiiha avhantu kulongwa zili nu vhushindamu, vhuli, imbombo zye zikuvhavhiiha avhantu kuvha vhagolosu zitakuvha nu vhushindamu nkaani?

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

2 Timoti 3:16

UVhusimbe uVhufinjile vhwonti vhusimviilwe mu vhulongozi uvhwa Mulungu. Vhuhondeeye kuvhasambiilizya avhantu nu kuvhasoha ku vhutalamalandu vhwavho nu kuvhalongozya kuuti vhaleshe uvhutalamalandu nu kuuvhapa amasunde ku vhugolosu.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

2 Yohani 1:11

Nkuvhavhuuzya vhwevhulo, mwe pe wonti we akumulamuha, ali pooka nawo mu vhutalamalandu vhwe akuvhomba.