VaHebuli 4:15 - ULufingwi uLupwa

¹⁵ Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

Tesitamenti Umupwa 1965

¹⁵ Shʼiswe tute nawo uwashiputʼumupiti we kumupositʼukutupepelezya uvuyeyevazu vwitu ndali, nkandi ula wʼalinzilwe muli zyonti, aholine naswe, nkandi atatazile numulandu numo.

VaHebuli 4:15 ပူးပေါင်းရင်းမြစ်များ

Matayi 12:20

Te ahaavhe muhali ku vhayeyevhazu inza vwe atangalivunza itete ilyolo. Havhili te ahaavhe muhali ku vhe vhatali nu wa kuvhaavwa inza vwe atangavhuzimanya uvhutambi vhwe vhukusuuha ilyosi. Kumpeleela alivhuvhiiha uvhwanalyoli vhupoote.

Matayi 4:1

Pe uMupepo uMufinjile ahamulongola uYeesu kusogola mu luugwa, inga uMukwalanzi amulinje.

uLuuka 22:28

“Imwe mwe mwaamile niine ahavhaliilizyo honti aha ndingo zyane.

uLuuka 4:2

Ukwo ahalingwa nu Mukwalanzi insiku 40. Insiku zyonti izyo, atáliiye naashimo. Lwe zyasila, inzala yihamuluma.

Yohani 8:46

“Ishi pahati yiinyu wu naanu we angahomeshezya kuuti ine ne mutalamalandu? Inga nkuvhavhuuzya izya nalyoli, pe shooni she mutakuniitiha?

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

VaHebuli 5:2

Uweene angavhafwila uvhwila avhamwavho vhe vhatakumanya na vhe vhakupuvha, mwe pe woope muyeyevhazu.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.