VaHebuli 4:14 - ULufingwi uLupwa

¹⁴ Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

Tesitamenti Umupwa 1965

¹⁴ Pe lelo she tuli nawo uwashiputʼumupiti, wʼapulunkinye zyonti izya kumwanya, uYesu uMwana wa Mulungu, pʼukwo lelo tulwumishizyajʼulwitiho lwe tukuluyanga.

VaHebuli 4:14 ပူးပေါင်းရင်းမြစ်များ

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

Maliko 1:1

Uvhu vhwe vhwandilo uvhwa Izwi iLyinza lye likulondovhola izya Yeesu Chilisiti uMwana wa Mulungu.

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

uLuuka 24:51

Lwe akujendeelela kuvhaloota, ahaseguha hansi, pe ahanyatulwa kusogola ku mwanya.

iMbombo izya Vhatumwa 1:11

Vhahati, “Mwe vhanaavuli vha mu Galilaaya, shooni she mwimiliiye ipa nu kutontomela ku mwanya? UYeesu uno we anyatulwa kufuma kuli imwe, aligaluha havhili vhwevhulo inza vwe mwamulola akusogola ku mwanya.”

iMbombo izya Vhatumwa 3:21

UYeesu akwanzilwa kusyala ku mwanya, kufishila ahavhaliilizyo he uMulungu alivigalulanya ivintu vwonti kuvha vipwa, inza vwe uweene áyanzile kufuma hali, kutuushila ku vhakuvhwi vhaakwe avhafinjile.

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

2 VaKolinti 12:2

Imumanyile umuntu wooka umulandati uwa Chilisiti, we amaaha 14 ge gatuuha, ányatuliilwe kusogola ku mwanya, ahafiha ku mwanya iya vhutatu. Lwe akunyatulwa, ntámanyile kuuti pamo áali nu muvhili uno, poosye kuuti pamo atáali nu muvhili uno, ileelo uMulungu we amanyile.

2 VaKolinti 9:13

Imbombo iyo yikulolesya kuuti mwe vhavhomvi avhinza avha Mulungu. Avhantu vhakumutiima uMulungu kuzya mushinzi wiinyu uwa kwitiha Izwi iLyinza ilya Chilisiti. Havhili vhakumutiima, lwe vhakulola uvhutesi vhwinyu ku kwavho na ku vhantu avhanji vhonti.

VaEfeso 4:10

Uweene we áyiisile mu nsi umu we ázuvile nu kupeelwa uvhupiti ku mwanya, inga alunjisye zyonti.

VaHebuli 1:8

Ileelo lwe akuyanga izya Mwana waakwe, átili, “We Mulungu, uvhumwene vhwaho vhuliivha vhwa shiima, havhili ulivhakonzyaga avhantu ku vhugolosu.

VaHebuli 10:12

Ileelo uChilisiti áyifumwizye lwoka vhweleele kuvha mpuutile, inga atuzelufwe uvhutalamalandu vhwitu. Uweene we mpuutile iya shiima. Kuli izyo, atendiime uluvhazu ulwa nyoovhe iya kundiilo iya Mulungu pa vhushindamu uvhupiti nkaani.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 10:29

Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 2:1

Pe ishi, ziila zye tuzyivuuye, tukwanzilwa kuzilema, inga tutahinze tuzileshe nu kuzilandata izinji zye zitakwanzilwa.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 6:20

UYeesu atulongoleeye kwinjila penepo ku zyitu. Uweene avha mupuuti umupiti shiima, inza vwe uMelikizeedeki áamile.

VaHebuli 6:6

Ileelo vhalulesile ulwitiho lwavho! Litaliipo idala lyonti ilya kuvhagalusya, inga vhatonte havhili, mwe pe vhakumuhomeela pa shihovhenkanyo ulwa vhuvhili uMwana wa Mulungu nu kumusuupizya apazelu.

VaHebuli 7:3

Yikulolesya kuuti uyise nu nyina uwa Melikizeedeki vhatakumanyiha, poosye uluho lwakwe lutakumanyiha. Havhili kupaapwa nu kufwa kwakwe kutakumanyiha. Uweene ali inza uMwana wa Mulungu, mwe pe mupuuti uwa shiima.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

VaHebuli 9:12

Uweene áyinjiiye lwoka vhweleele aPafinjile pa Pafinjile. Atínjiiye na mavhanda aga saawe poosye aga ngwada, nkandi áyinjiiye na mavhanda gaakwe wuuyo, inga tuposheele uvhutavhuzi uvhwa shiima.

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.