VaHebuli 4:12 - ULufingwi uLupwa

¹² Yeenya, izwi ilya Mulungu lilanzi havhili lili na maha. Havhili likuliluusya ipanga lye lili nu vhuhozu imbazu zyonti zivhili. Likulasa nu kwinjila muhati nkaani, nu kulehaanya umwoyo nu mupepo na pe ivipelwa ivwa muvhili visopenkiine na mafuta ge gali muumwo nu kumanya zye avhantu vhakusiivha nu kwanza.

Tesitamenti Umupwa 1965

¹² Shʼizwi lya Mulungu lilanzi, likuvomba namaha, lihozu ukulusyʼishipanga she shili nuvwembe kuvili, likupulunkanya ukufiha nukusinzanya umwoyo numupepo, utuntu twa mumuvili namumundi wa mumafupa, liziwenyi nzila Zye tukwata nazye tukuzisiva mumoyo gitu.

VaHebuli 4:12 ပူးပေါင်းရင်းမြစ်များ

uLuuka 8:11

“Ishiholanyo ishi kwe kuuti: Imbeyu lizwi lya Mulungu.

Yohani 12:48

Umuntu wonti we akunkaana ine pooka na mazwi gaane, ali nawo uwa kumulonga. Amazwi igo ge nkugayanga, ge galimulonga pi isiku ilya kumpeleela.

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

iMbombo izya Vhatumwa 2:37

AVhayuuda vhaala, lwe vhiivwa inongwa izyo zihaavhasya nkaani mu mooyo gaavho. Pe vhahavhavhuziilizya avha Peeteli pooka na vhatumwa avhamwavho vhahati, “Vhamwitu, ishi tuhonzye vhuli?”

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

iMbombo izya Vhatumwa 5:33

Avhapiti vhaala lwe vhiivwa izyo, zihaavhasya amooyo gaavho, vhahanzaga kuvhagoga.

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

1 VaKolinti 1:24

Ileelo ku vhaala vhe uMulungu avhiisite kuvha vhantu vhaakwe, vhavhe Vhayuuda, poosye vhe te Vhayuuda, uChilisiti maha aga Mulungu, havhili vhushindamu uvhwa njeele uvhwa Mulungu.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

VaEfeso 5:13

Ileelo inga zyavha mu vhuzelu, zililoleha apazelu, mwe pe uvhuzelu vhulizihozya.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

VaEfeso 6:17

Havhili muposheelaje kufuma kwa Mulungu uvhuposhi vhwakwe ni izwi lyakwe. Uvhuposhi vhukuvha ngati nkofwela iya shijela ye umusikaali akuzwala ku vhulugu, lyope izwi likuvha ngati lipanga lye mukupeelwa nu Mupepo uMufinjile kulwila.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

VaHebuli 6:5

Havhili vhálinzile uvhwinza uvhwa izwi ilya Mulungu, na maha aga vhulongozi vhwe vhukwinza uvhwa Mulungu ahavhaliilizyo he alikonzyaga insi impwa.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

1 Peteli 1:23

Mukwanzilwa muvhe ni shikunzi isho, mwe pe mupafwilwe ulwa vhuvhili, te ku vhapaafi vhe vhakufwa, nkandi kwa mupaafi we atakufwa kwi idala ilya izwi ilya Mulungu lye liliipo shiima.

Ishitushizya 1:16

Woope mu nyoovhe yaakwe iya kundiilo, áamile ni nzota 7. Havhili ipanga ihozu kwonti lihafumaga mwi ilomu lyakwe. Ku minso kuhalamaga ngati lizuvha ihali nkaani.

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.

Ishitushizya 19:21

Umuntu uyo we átendiime pamwanya pa mfwalaasi, ahavhagoga avhasikaali vhaavho kwi ipanga lye lihafumaga mwi ilomu lyakwe. Inyunyi zyonti zihalya inyama zyavho nu kwikuta.

Ishitushizya 2:16

Ishi leelo, pinduha! Inga utapinduha, nkwinza kuli iwe naluvhiilo, nu kulwa navho ni ipanga lye likufuma mwi ilomu lyane.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.