VaHebuli 4:1 - ULufingwi uLupwa

¹ Pe ishi, mwe pe ulufingwi ulwa Mulungu ulwa vhantu kwinjila pa lutuuzyo lwakwe luli she luliipo, pe twogopaje, inga atahinze avhe umuntu inga wooka muli imwe uwa kupootwa kwinjila penepo.

Tesitamenti Umupwa 1965

¹ Pe lelo tutetemaje iswe, ukuti numʼuwamwitu we tuli nawo atalolehaje ukusyala mwisinda she tuli nulumfingwi lwe tuhaleshelwa ulwa kwinjila muvutuzyo vwakwe.

VaHebuli 4:1 ပူးပေါင်းရင်းမြစ်များ

Matayi 24:48

Ileelo inga umuvhomvi uyo umuvhiivhi, asiivha mu mwoyo waakwe kuuti, ‘Umwene waane ahaavha kuvhwela,’

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

VaLoma 11:20

Izyo zya nalyoli. Insamba izyo zyádiviilwe, mwe pe zitítisile, ileelo iwe uli inza vhwevhulo kufumiilana nu lwitiho lwaho. Pe ishi, utayitumvwaje, nkandi uvhanje minso.

VaLoma 3:23

Yeenya, avhantu vhonti vhavhomvile uvhutalamalandu, nu kusheepelwa uvhushindamu uvhwa Mulungu.

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

2 Timoti 2:13

Inga poosye te swe vhatungamu, uweene ali she mutungamu kuli iswe, atangayihaana.”

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

VaHebuli 3:11

Kuli izyo, návisiitwe nu kulapa, náyanzile nátili, ‘Nalyoli avhantu ivha te vhahinjile pa lutuuzyo lwe mbasenganiziinye.’”

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

VaHebuli 4:9

Kuli izyo, ulutuuzyo luli she luliipo lwe uMulungu avhasenganiziinye avhantu vhaakwe.