VaHebuli 3:7 - ULufingwi uLupwa

⁷ Ishi inza vwe uMupepo uMufinjile akuyanga akuti, “Ileelo inga mwivwa izwi ilya Mulungu,

Tesitamenti Umupwa 1965

⁷ Mwe mumwo lelo inza shʼakuyangʼuMupepʼuMufinjile, akuti: We musanyʼuno inga mukwiṿwʼizwi lyakwe,

VaHebuli 3:7 ပူးပေါင်းရင်းမြစ်များ

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 22:43

UYeesu ahavhavhuziilizya ahati, “Inga vwe zili, zili vhuli uDaavhudi lwe akulongolwa nu Mupepo, akumwita uChilisiti kuuti wu Mwene? Nkuvhavhuziilizya vhwevhulo, mwe pe umwene uDaavhudi átili,

Maliko 12:36

Umweneesho uDaavhudi ásimvile ku maha aga Mupepo uMufinjile kuuti, ‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”’

Yohani 10:16

Ine indi ni ngʼonzi izyamwavho zye naazimo mwi ivhiji ili, zyope nkwanzilwa inzileete umu. Ingʼonzi izyo, zyope kwe zilimanye izwi lyane. Kwi idala ilyo, kwe yivhe impuga yooka nu mudiimi wooka.

Yohani 10:27

Ingʼonzi zyane zilimanyile izwi lyane. Niine nzimanyile, zyope zikundandata.

Yohani 10:3

Umuguulizi uwa ivhiji akumwigulila umulyango umudiimi uyo uwa ngʼonzi. Lwe umudiimi uyo akuzyita ingʼonzi, zyope zikwivwa izwi lyakwe. Lwe akuzifumwa panzi, akuyiita ingʼonzi yaakwe yooka yooka izina lyakwe.

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

iMbombo izya Vhatumwa 1:16

ahavhavhuuzya ahati, “Mwe vhamwitu, zye zyásimviilwe mu Vhusimbe uVhufinjile kuzya Yuuda, we ávhalongooye avhantu vhaala vhe vhámulemile uYeesu, zyaanziliilwe zivhombeshe. Izyo zye uMupepo uMufinjile áyanzile kwi ilomu ilya taata wiitu uDaavhudi.

iMbombo izya Vhatumwa 28:25

Lwe aVhayuuda vhaaga vhatakwivwana vhuuvho vheeka ku mazwi ge uPaavhuli ahayangaga, vhaheepa. Lwe vhashiili kwepa, uPaavhuli ahavhavhuuzya ahati, “UMupepo uMufinjile áyanzile izya nalyoli, kuvhavhuuzya avhataata vhiinyu kutuushila kwa mukuvhwi uYisaayi kuuti,

iMbombo izya Vhatumwa 8:29

Pe uMupepo uMufinjile ahamuvhuuzya uFiilipo ahati, “Sogoola naluvhiilo halandate igeleeti liila, ulifishile.”

VaHebuli 10:15

Woope uMupepo uMufinjile akuhomeshezya kuuti inongwa izi zya nalyoli lwe akuti,

VaHebuli 3:13

Ileelo mugomanyaaje mwenti insiku zyonti, kwe kuuti insiku zyonti zye tukuzyita tukuti, “Ileelo,” inga umuntu wonti atahinze ahopenkanywe nu vhutalamalandu, nu kuvha nu mwoyo umugomu kwa Mulungu.

VaHebuli 3:15

Mukumbushe uVhusimbe uVhufinjile vhwe vhukuyanga vhukuti, “Ileelo inga mwivwa izwi ilya Mulungu, mutahagavhiishe amooyo giinyu kuvha magomu, inza vwe avhataata vhiinyu vhásambusile.”

VaHebuli 4:7

Kuli izyo, uMulungu álivhatisile isiku ilyamwavho, ahalyita ahati, “Ileelo.” Tumanyile isho, mwe pe lwe insiku inyinji zyatuuha kufuma pe vhaala vháposiitwe kwinjila, uMulungu áyanzile havhili izya pa lutuuzyo kutuushila kwa mwene uDaavhudi, inza vwe yisimviilwe mu Vhusimbe uVhufinjile kuuti, “Ileelo inga mwivwa izwi ilya Mulungu, mutahagavhiishe amooyo giinyu kuvha magomu.”

VaHebuli 9:8

Kulandatana ni mbaatiho izyo, uMupepo uMufinjile akutulolesya apazelu kuuti Iheema ilyo ilya hali lwe likuvhomba imbombo, idala ilya kwinjila aPafinjile pa Pafinjile litíguliilwe ku vhantu vhonti.

2 Peteli 1:21

Nkuyanga vhwevhulo, mwe pe uvhukuvhwi vhutínzile kufumiilana nu lukasamo ulwa muntu. Lwe avhantu vhahakuvhwaga, vhahalongolwaga nu Mupepo uMufinjile.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.