VaHebuli 3:5 - ULufingwi uLupwa

⁵ UMoose áamile mutungamu ku vhantu vhonti avha mu nyumba iya Mulungu. Imbombo yaakwe ku vhantu ivho yáamile ya kuhomeshezya ziila zye uMulungu ákasiime kuyanga pilongolela.

Tesitamenti Umupwa 1965

⁵ UMose nalyoli ali mutungamu munyumba ya wuyo yonti fwe ngati muvomṿi, ukuti azihomeshezyaje Zye ziliyangwa pisinda;

VaHebuli 3:5 ပူးပေါင်းရင်းမြစ်များ

Matayi 24:45

UYeesu ahavhavhuziilizya ahati, “Pe ishi, wu naanu umuvhomvi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

uLuuka 24:27

Pe ahavhavhuuzya inongwa zyonti izya mu Vhusimbe uVhufinjile zye zyásimviilwe ku zyakwe. Ahayanga izyo kwandila amakalaata aga Moose na makalaata gonti aga vhakuvhwi.

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

Yohani 5:39

Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane.

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

iMbombo izya Vhatumwa 7:37

“UMoose uyo we ávhavhuziizye aVhaisilayeeli kuuti, ‘Muli imwe, uMulungu alivhasevhela umukuvhwi we ali inza ine.’

VaLoma 3:21

Ishi uMulungu atulolesiizye idala lyakwe ilya kutuvhaazya kuuti swe vhagolosu, ishisita indajizyo. Zyope indajizyo izya Moose nu vhusimbe uvhwa vhakuvhwi vikuyanga apazelu izya idala ilyo.

1 VaKolinti 4:2

Ishi she shikwanzilwa kwa muntu we apeliilwe imbombo iya kwimililila, kwe kuvha nu vhutungamu.

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

VaHebuli 1:1

Hali, uMulungu ahayangaga na vhataata vhiitu kutuushila ku vhakuvhwi. Ahavhombaga vhwevhulo ulwinji na ku madala aga mavhiila mu mavhiila.

VaHebuli 3:2

Uweene áamile mutungamu kwa Mulungu we ámusavhuuye, inza uMoose woope vwe áamile mutungamu ku vhantu vhonti avha mu nyumba ya Mulungu, kwe kuuti aVhaisilayeeli.

VaHebuli 3:4

Yeenya, inyumba yonti yikuzengwa nu muntu, ileelo uMulungu we akuvizenga ivintu vwonti.

VaHebuli 8:5

Avhapuuti ivho vhakumuvhombela uMulungu aPafinjile pe shiholanyo vhweleele isha Pafinjile apa ku mwanya. Ye nongwa uMoose lwe akuyisengaanya kuzenga Iheema ilya kumupuutila uMulungu, uMulungu ámusosile átili, “Yeenya, ukwanzilwa kuzenga vwonti kulandatana na zyonti zye nkulolesiizye mwi igamba uSinaayi.”

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!