VaHebuli 3:18 - ULufingwi uLupwa

¹⁸ Havhili ishi vhe vha naanu vhe uMulungu álafile átili te vhahinjile pa lutuuzyo lwakwe, lwe avhasenganiziinye? Vhuli, te vhe vhala vhe vháhaanile kumushindiha?

Tesitamenti Umupwa 1965

¹⁸ Amwe ve vananu vʼavalapiye ukuti vataliyinjila muvutuzyo vwakwe? Nkuti vuvo ve vahasufwaga.

VaHebuli 3:18 ပူးပေါင်းရင်းမြစ်များ

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

VaLoma 11:30

Hali imwe mutahamushindihaga uMulungu, ileelo ishi muposheleeye uvhwila, kwi idala ilya Vhaisilayeeli kuleha kumushindiha.

VaHebuli 3:11

Kuli izyo, návisiitwe nu kulapa, náyanzile nátili, ‘Nalyoli avhantu ivha te vhahinjile pa lutuuzyo lwe mbasenganiziinye.’”

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

VaHebuli 4:2

Yeenya, niiswe tulumbiliilwe izwi ilyinza ilya pa lutuuzyo inza vwe avhataata vhiitu vhálumbiliilwe. Ileelo avheene lwe vhiivwa, Izwi ilyo litávhavwizye naashimo, mwe pe vhatályitisile.

VaHebuli 4:6

Pooka nu kuuti avhataata vhiitu vhálongoleeye kulumbiililwa Izwi iLyinza ilya pa lutuuzyo, ileelo vháposiitwe kwinjila penepo, mwe pe vhatámushindisile uMulungu. Ileelo avhantu avhanji vhaliyinjila pa lutuuzyo ipo.