VaHebuli 3:12 - ULufingwi uLupwa

¹² Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

Tesitamenti Umupwa 1965

¹² Mwandaje lelo, mwe vamwitu, mwenti mwe muvaliye numo atavanje wa mwoyo wa lombwa, uwa vusisi, uwa kumuzilʼuMulungu umulanzi.

VaHebuli 3:12 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 24:4

UYeesu ahavhaamula ahati, “Muvhanje minso, inga vhatahinze vhavhahopenkanye!

Maliko 13:23

Pe imwe muvhanje minso, ine navhasoha nziila zyonti izyo she zishiili kufumila.”

Maliko 13:33

Mushevhaje nu kuvha minso havhili mulaavhaje, mwe pe mutamanyile ahavhaliilizyo iho haliifiha lyeli.

Maliko 13:9

“Muvhe minso, mwe pe vhalivhatwalaga kulongwa pa lukuvhato nu kuhomwa mu masinagoogi. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane. Ileelo kuli imwe, iho he haliivha havhaliilizyo aha kufumwa uvhwahoome uvhwa lwitiho lwinyu ku kwavho.

uLuuka 21:8

Ahavhavhuuzya ahati, “Muvhanje minso, inga vhatahinze vhavhahopenkanye! Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Havhili, vhaliiti, ‘Ahavhaliilizyo hapalamiiye!’ Avhantu ivho, mutahasheele muvhalandate!

VaLoma 11:21

Nkuyanga vhwevhulo, mwe pe inga uMulungu atávhafwiliiye uvhwila aVhayuuda, vhe nsamba izya izayituuni ilya kuvhwalwa, pe nalyoli atalikufwila uvhwila niiwe.

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

Kolosi 2:8

Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

VaHebuli 10:31

Nalyoli yikwogofwa nkaani kupeelwa isunde nu Mulungu uMulanzi.

VaHebuli 10:38

Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu. Ileelo umuntu uyo inga akusisinta kundandata, ntakuhondezelwa nawo.”

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 12:22

Ileelo imwe mwafiha pi igamba uSayuuni, pa nkaaya iya Yelusaleemu iya ku mwanya. Inkaaya iyo nkaaya iya Mulungu uMulanzi. Apenepo, vhavhungiine ku luseshelo avhahavhizya amashumi na mashumi.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 3:10

Kuli izyo, návhavitiliilwe avhantu avha havhaliilizyo iho, náyanzile nátili, ‘Avhantu ivha amooyo gaavho mavhiivhi insiku zyonti, vhantu vhe vhatakwanza kugalandata amadala gaane.’

VaHebuli 3:19

Ishi tumanyile kuuti avhantu ivho vháposiitwe kwinjila pa lutuuzyo ulwo, mwe pe vhatámwitisile uMulungu.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.