VaHebuli 3:1 - ULufingwi uLupwa

¹ Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

Tesitamenti Umupwa 1965

¹ Pe lelo, mwe vamwitu mwe vafinjile, mwe twisitwe swenti ulwito lwa kumwanya, mumutontomele munsivo uMwapositili, uWashiputʼumupiti we tukumuhomeshezya, nkumutaha we Yesu,

VaHebuli 3:1 ပူးပေါင်းရင်းမြစ်များ

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 20:21

UYeesu ahavhavhuuzya havhili ahati, “Uvhutehamu vhuvhe pooka niimwe! Inza vwe uTaata ánsonteleziizye ine, vhwevhulo niine nkuvhasonteelezya imwe.”

Yohani 20:27

Pe ahamuvhuuzya uToomasi ahati, “We Toomasi, nzaaga umpalamansye ni nyoovhe yaaho mu nyoovhe zyane. Havhili, umpalamansye ni nyoovhe zyaho pa luvhazu lwane. Utahajendeelele kuvha we muntu we atakwitiha, nkandi uvhe we muntu we akwitiha.”

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

VaLoma 15:27

Avhiitisi ivho vhaavhomvile izyo ku luseshelo, havhili nalyoli vhakudaayilwa kuvhaavwa avhapiina ivho. Yeenya, inga avhantu vhe te Vhayuuda vhali nu vhuliilani mu vhuloote uvhwa Mupepo uMufinjile, kutuushila ku Vhayuuda, pe vhoope vhakwanzilwa kuvhaavwa aVhayuuda ivintu vwavho vwe vhali navwo.

VaLoma 15:8

Yeenya, nkuvhavhuuzya imwe kuuti, uChilisiti áyinzile kuvhavhombela aVhayuuda, inga yiloleshe kuuti uMulungu mutungamu, kwe kuuti, kwi idala ilya Chilisiti, alunjisiizye zye áfinzile ku vhataata vhaavho.

VaLoma 9:24

átusavhuuye swenti, swe Vhayuuda na vhe te Vhayuuda, inga atufwile uvhwila, mwe pe átusengiinye kuuti tuvhe nu vhushindamu pooka nawo.

1 VaKolinti 1:2

tukuvhalamuha imwe, mwe vha mu shivhanza isha Mulungu, she shili mu nkaaya iya Kolinto, imwe mwe uMulungu avhasavhuuye kuvha nu vhuliilani nu Chilisiti uYeesu. Mwisiitwe kuvha mwe vhafinjile pooka na vhantu vhonti avha mu mbazu zyonti vhe vhakumulaavha uYeesu Chilisiti, uweene we wu Mwene waavho havhili wiitu niiswe.

1 VaKolinti 10:17

Kuli ikaati lyoka vhweleele. Poosye inga iswe twe vhinji, ileelo tuli umuvhili wooka, mwe pe tuli nu vhuliilani mwi ikaati liniilyo lyoka.

1 VaKolinti 9:23

Nkuvhomba izi zyonti kuzya Izwi iLyinza, inga nkaavhe nu vhuliilani na vhanji mu vhuloote uvhwa mbombo ino.

2 VaKolinti 1:7

Ulusuuvhilo lwitu kuli imwe lupiti, mwe pe tumanyile kuuti vwe mukuyimba inza iswe, vwe mukusuvhalizilwa inza iswe.

2 VaKolinti 9:13

Imbombo iyo yikulolesya kuuti mwe vhavhomvi avhinza avha Mulungu. Avhantu vhakumutiima uMulungu kuzya mushinzi wiinyu uwa kwitiha Izwi iLyinza ilya Chilisiti. Havhili vhakumutiima, lwe vhakulola uvhutesi vhwinyu ku kwavho na ku vhantu avhanji vhonti.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Filipi 3:14

Ishi nkujendeelela kudaga, inga mposheele ishipeelwa. Ishipeelwa isho, lwito ulupiti lwe uMulungu anitiiye mwa Chilisiti uYeesu.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 1:22

Ileelo ishi, uMulungu avhakundiinye nu weene kwi idala ilya muvhili uwa Chilisiti, kwe kuuti kufwa kwakwe. Avhomvile vhwevhulo inga avhaleete pilongolela lyakwe she mwe vhafinjile, ishisita amabada poosye ulukwinkwino.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

1 VaTesaloniki 5:27

Nkuvhalajizya ku maha aga Mwene uYeesu kuuti, ukalaata uno muvhavhaziizye avhamwitu vhonti.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

1 Timoti 6:12

Uyikungulaje nkaani ku vhulugu uvhwinza uvhwa kulwila ulwitiho lwitu, inga uhavhwaje uvhulanzi uvhwa shiima shiima. Uvhulanzi uvhwo vhwe uhiitilwa nu Mulungu, lwe wiitiha ulwitiho lwaho kwa Yeesu pilongolela ilya vhahoome avhinji.

1 Timoti 6:2

Inga avhamwene vhaavho vhiitisi, avhazya vhatavhasufwaje, mwe pe vhamwavho. Nalyoli vhakwanzilwa kuuti vhonjezyaje kuvhavhombela ahinza, mwe pe ivho vhe vhakulonka mu mbombo yaavho iya vhuzya, vhakuvha vhamwavho, havhili vhe vhankundwa vhaavho. Uvhasambilizyaje avhantu vhonti mu shivhanza amazwi igo nu kuvhasoha.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:7

Izyo zye nkukuvhuuzya, uzilemaje nkaani, mwe pe uMwene uYeesu kwe aakupe injeele izya kuzimanya zyonti.

VaHebuli 10:19

Mwe vhamwitu, kwi idala ilya mavhanda aga Yeesu, iswe tuli nu vhusatushe kwinjila aPafinjile pa Pafinjile ku vhudandamazu.

VaHebuli 10:21

Iswe tuli nawo umupuuti umupiti we mwimiilizi uwa vhantu avha mu nyumba ya Mulungu.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 13:22

Mwe vhamwitu, nkuvhalambiilizya nkaani kuuti mugalandataje amazwi amansi iga aga kuvhasuvhaalizya ge mbasimbiiye mwa kalaata uno.

VaHebuli 2:11

UYeesu pooka na vhaala vhe akuvhazelufwa uvhutalamalandu vhwavho, uTaata waavho ali wooka. Kuli izyo, uYeesu atakulola insoni kuvhiita kuuti vhajenzi vhaakwe.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 6:20

UYeesu atulongoleeye kwinjila penepo ku zyitu. Uweene avha mupuuti umupiti shiima, inza vwe uMelikizeedeki áamile.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

VaHebuli 7:28

Kulandatana ni ndajizyo izya Moose avhantu vhahasavhulwaga kuvha vhapuuti avhapiti pooka nu kuuti vháali vhayeyevhazu. Ileelo lwe ahavhaliilizyo ahatali hatuuha, uMulungu kwi idala ilya kulapa ámusavhuuye uMwana waakwe kuvha mupuuti umupiti we mulunjisu shiima.

VaHebuli 9:11

Ileelo uChilisiti ayinzile nu kuvha mupuuti umupiti uwa nyinza zyonti zye zyinzile. Uweene we akuvhomba imbombo mwi Iheema liila lye limwamu havhili lye lilunjisu kuluusya itanzi. Iheema ilyo litázengwilwe na vhantu, kwe kuuti te Liheema ilya mu nsi umu.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Peteli 3:5

Nkuyanga vhwevhulo, mwe pe isho vwe avhantanda avhafinjile vhe vhahamusuvhilaga uMulungu vhahayiyemvwaga, kwi idala ilya kuvhashindiha avhalume vhaavho.

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”