VaHebuli 2:6 - ULufingwi uLupwa

⁶ Ileelo yisimviilwe mu Vhusimbe uVhufinjile nu kuhomeshezya kuuti, “We Mulungu, umuntu wu naanu we iwe ukumukumbuha? Havhili umwana wa muntu wu naanu we iwe ukumusaajila?

Tesitamenti Umupwa 1965

⁶ Nkandi wumo ayanzile kumo ahomeshezizye atili: Amwʼumuntu she shonu shʼukumukumbuhʼiwe? Havili umwana wa muntu she shonu shʼukumukumbuhʼiwe?

VaHebuli 2:6 ပူးပေါင်းရင်းမြစ်များ

uLuuka 1:68

“Ashindikwaje uMWENE uMulungu uwa Vhaisilayeeli, mwe pe ayinzile kuvhapoha avhantu vhaakwe.

uLuuka 1:78

mwe pe uMulungu wiitu ali nu vhwila nkaani ku kwitu. Ku vhwila uvhwo, uvhuzelu kufuma ku mwanya vhulituhozezya,

uLuuka 7:16

Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

1 VaTesaloniki 4:6

Muli izyo, umuntu wonti atahamunanjile uwamwavho, poosye kumuhopenkanya. Inza vwe twávhavhuziizye nu kuvhasoha kuuti, vhonti vhe vhakuvhomba izyo, uMwene uYeesu aliivhapa isunde.

VaHebuli 4:4

Yeenya, uVhusimbe uVhufinjile pamo vhukuyanga vhukuti, “Isiku ilya 7 uMulungu átuziizye kuvhomba imbombo zyakwe zyonti.”

VaHebuli 5:6

Havhili yisimviilwe pamo mu Vhusimbe uVhufinjile kuuti, “Iwe we mupuuti shiima, inza vwe uMelikizeedeki áamile.”

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.