VaHebuli 2:4 - ULufingwi uLupwa

⁴ UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

Tesitamenti Umupwa 1965

⁴ Wope nawe Mulungu ahahomeshezya poka navo mumamfindango namumayele, namumbombo zya maha inyinji mwe zyavaliye, namukuvagavanyʼavantu uMupepʼuMufinjile ukulandata mulukasamo lwakwe.

VaHebuli 2:4 ပူးပေါင်းရင်းမြစ်များ

Maliko 16:20

Avhasundikwa vhaheepa, vhahasogola kukumusya kwonti. UMwene ahavhombaga imbombo pooka navho, ahahomeshezyaga izwi lyakwe ku vilolesyo vwe vhahavhombaga.

Maliko 6:14

Umwene uHeelodi ahiivwa inongwa izya Yeesu, mwe pe izina lyakwe lyákumusile kwonti. Vhamo vhahayangaga vhahatinji, “Wu Yoohani uMwozyi azyusile! Ye nongwa ali na maha aga kuvhomba amafindango.”

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 4:48

UYeesu ahamwamula umulongozi uyo ahati, “Mwe vhantu imwe, vhuli, mutanganiitiha ishisita kulola ivilolesyo ni zya kusukumizya?”

iMbombo izya Vhatumwa 14:3

Pe avha Paavhuli nu Balinaaba vhahatendama ku manda aminji pa Ikooniya, vhahavhavhuzyaga avhantu izya vhwila uvhwa Mwene uYeesu ku vhudandamazu, uku vhakumusuuvhila uweene. UMwene ahahomeshezyaga kuuti amazwi gaavho ga nalyoli, kwi idala ilya kuuvhapa amaha aga kuvhomba ivilolesyo ni zya kusukumizya ku vhwinji.

iMbombo izya Vhatumwa 4:10

Pe imwe pooka na vhantu vhonti avha mu Isilayeeli, mumanye ahinza kuuti, umuntu uno we ayimiliiye pilongolela lyinyu aapona nu kuvha mwinza, ku maha aga izina ilya Yeesu Chilisiti uwa ku Naazaleeti. UYeesu uyo, imwe mwámuhomeleeye pa shihovhenkanyo, ileelo uMulungu ahamuzyusya.

iMbombo izya Vhatumwa 5:32

Niiswe swe vhahoome avha zyonti izyo, pooka nu Mupepo uMufinjile, we uMulungu avhapiiye vhonti vhe vhakumushindiha.”

VaEfeso 1:5

uMulungu álongoleeye kwamula kutuvhiiha kuvha swe vhaana vhaakwe kutuushila kwa Yeesu Chilisiti. Ávhomvile vhwevhulo, kulandatana nu lukasamo lwakwe na vwe yámuhondeziizye,

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 4:7

Ileelo muli iswe uChilisiti ahatuloota ivikunjilwa ivipiti swenti, kulandatana na vwe uweene ahanzaga kufumwa.

VaHebuli 6:4

Ishi avhantu vhe vhalesile kumwitiha uMulungu, tungavhagalusya inza vhuli? Avhantu ivho ku vhwandilo vhásambiliiye uvhwanalyoli uvhwa Mulungu, nu kupeelwa ivipeelwa kufuma ku mwanya, nu kuposheela uMupepo uMufinjile.