VaHebuli 2:2 - ULufingwi uLupwa

² Yeenya, izwi lye avhahavhizya vhávhavhuziizye avhataata vhiitu lyánziliilwe kulilandata. Avhantu vhonti vhe vhálilesile nu kuhaana kulilandata vhápeliilwe isunde kulandatana ni mbiivhi zyavho.

Tesitamenti Umupwa 1965

² Shʼapene ingʼizwi lye liyanzilwe navahavizya lyali ligomu, ingʼinchilanyo zyonti nuvusitakusajila vwonti ṿwazile izya kuṿisunda inza she ṿihondeye,

VaHebuli 2:2 ပူးပေါင်းရင်းမြစ်များ

iMbombo izya Vhatumwa 7:53

Poosye she imwe mwáposheleeye indajizyo izya Mulungu kutuushila kwa havhizya waakwe, ileelo mwáhaanile kuzishindiha.”

VaGalati 3:19

Ishi indajizyo zili ni mbombo vhuli? Zyónjeziilwe mu lufingwi lwe ahavhaliilizyo ahatali hatuuha, kulolesya kuuti avhantu vhali nu vhutalamalandu, kufishila lwe ayinza umuntu ula uwa mu mpaapo izya Aabulahamu, we uMulungu áfinzile. UMulungu ámupiiye indajizyo uMoose kutuushila ku vhahavhizya, nu Moose ahavha pahati kuvhakundanya avhantu nu Mulungu.

VaHebuli 1:1

Hali, uMulungu ahayangaga na vhataata vhiitu kutuushila ku vhakuvhwi. Ahavhombaga vhwevhulo ulwinji na ku madala aga mavhiila mu mavhiila.

VaHebuli 10:28

Umuntu wonti we ahahaanaga kuzilandata indajizyo izya Moose, vhahamugogaga ishisita uvhwila lwe avhahoome vhavhili, poosye vhatatu vhahomeshezya kuuti nalyoli avhomvile vhwevhulo.

VaHebuli 10:35

Kuli izyo, muvhanje nu vhudandamazu, mwe pe muliposheela ishipeelwa ishipiti nkaani kufuma kwa Mulungu.

VaHebuli 11:26

UMoose ávhwenyi kuuti kuyimvilwa kuzya Chilisiti lilonka nkaani kuluusya uvhwinza nu vhudumbwe uvhwa mu nsi iya Miisili. Ávhomvile vhwevhulo, mwe pe ahasuvhilaga ishipeelwa she uMulungu aliimupa insiku izya kwilongolela.

VaHebuli 11:6

Ataliipo umuntu we angamuhondezya uMulungu ishisita ulwitiho. Umuntu wonti we akwanza kumupuuta uMulungu, akwanzilwa kwitiha kuuti uMulungu aliipo nu kuuti aliivhapa ivipeelwa vhaala vhe vhakulondola kumumanya.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

2 Peteli 1:19

Havhili amazwi aga vhakuvhwi gakuhomeshezya inongwa izyo, niimwe mukuvhomba ahinza inga mukugalema. Amazwi igo gali inza inyaale ye yikuhozya mu shiisi, kufishila lwe kwasha. Kwe kuuti uChilisiti akuvhahozya mu mooyo giinyu inza uluzota ulwa nzanshi.

uYuuda 1:5

Ishi, pooka nu kuuti mumanyile, nkwanza imbakumbusye kuuti uMWENE uMulungu lwe avhapoha aVhaisilayeeli kufuma mu nsi iya Miisili, pisinda ahavhalovwa vhaala vhe vhatáali nu lwitiho.