VaHebuli 2:17 - ULufingwi uLupwa

¹⁷ Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

Tesitamenti Umupwa 1965

¹⁷ Zye zizyo zitili aholane navamwavo muli zyonti, ukuti ayipelajʼukuva washiputo umupiti uwa lupepelezyo, havili umutungamu muli zyonti Zye zyenyizye kwa Mulungu, ukuti apelajʼulukundanyo kuvutalamalandu vwa vantu.

VaHebuli 2:17 ပူးပေါင်းရင်းမြစ်များ

VaLoma 15:17

Ishi kufumiilana nu Chilisiti uYeesu, nkuyitumvwa ku mbombo ye nkumuvhombela uMulungu.

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

VaEfeso 2:16

Kwi idala ilya kufwa pa shihovhenkanyo, áyefwizye uvhulugu uvhwa Vhayuuda na vhe te Vhayuuda nu kuvhavhiiha impuga yooka. Havhili ahavhakundanya vhonti nu Mulungu.

Kolosi 1:21

Hali, niimwe mwámile ukutali nu Mulungu, mwámile mwe vhalugu vhaakwe ku nsiivho ni mbombo zyinyu imbiivhi.

VaHebuli 10:21

Iswe tuli nawo umupuuti umupiti we mwimiilizi uwa vhantu avha mu nyumba ya Mulungu.

VaHebuli 2:11

UYeesu pooka na vhaala vhe akuvhazelufwa uvhutalamalandu vhwavho, uTaata waavho ali wooka. Kuli izyo, uYeesu atakulola insoni kuvhiita kuuti vhajenzi vhaakwe.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

VaHebuli 2:16

Ilyo likulolesya apazelu kuuti uYeesu atínzile kuvhaavwa avhahavhizya, nkandi avhantu avha mu mpaapo izya Aabulahamu.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 3:2

Uweene áamile mutungamu kwa Mulungu we ámusavhuuye, inza uMoose woope vwe áamile mutungamu ku vhantu vhonti avha mu nyumba ya Mulungu, kwe kuuti aVhaisilayeeli.

VaHebuli 3:5

UMoose áamile mutungamu ku vhantu vhonti avha mu nyumba iya Mulungu. Imbombo yaakwe ku vhantu ivho yáamile ya kuhomeshezya ziila zye uMulungu ákasiime kuyanga pilongolela.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

VaHebuli 5:1

Yeenya, umupuuti umupiti wonti akusaavhulwa kufuma ku vhantu kumuvhombela uMulungu pa luvhambo lwavho. Akuvhafumwizya kwa Mulungu ivipeelwa ni mpuutile zyavho kuzya vhutalamalandu.

VaHebuli 5:10

Havhili uMulungu ahamuvhiiha kuvha mupuuti umupiti inza vwe uMelikizeedeki áamile.

VaHebuli 5:2

Uweene angavhafwila uvhwila avhamwavho vhe vhatakumanya na vhe vhakupuvha, mwe pe woope muyeyevhazu.

VaHebuli 5:5

Vhwevhulo, woope uChilisiti atáyilondoleeye wuuyo uvhushindamu uvhwa kuvha mupuuti umupiti, nkandi uMulungu we ámusavhuuye. Yeenya, uMulungu ámuvhuziizye átili, “Iwe we Mwana waane, ileelo ili navha ne Taata waaho.”

VaHebuli 6:20

UYeesu atulongoleeye kwinjila penepo ku zyitu. Uweene avha mupuuti umupiti shiima, inza vwe uMelikizeedeki áamile.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

VaHebuli 7:28

Kulandatana ni ndajizyo izya Moose avhantu vhahasavhulwaga kuvha vhapuuti avhapiti pooka nu kuuti vháali vhayeyevhazu. Ileelo lwe ahavhaliilizyo ahatali hatuuha, uMulungu kwi idala ilya kulapa ámusavhuuye uMwana waakwe kuvha mupuuti umupiti we mulunjisu shiima.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

VaHebuli 8:3

Umupuuti umupiti wonti akusaavhulwa, inga amufumwizyaje uMulungu ivipeelwa ni mpuutile. Kuli izyo, umupuuti wiitu umupiti uyo, woope akwanzilwa avhe ni shintu isha kufumwa kwa Mulungu.

VaHebuli 9:11

Ileelo uChilisiti ayinzile nu kuvha mupuuti umupiti uwa nyinza zyonti zye zyinzile. Uweene we akuvhomba imbombo mwi Iheema liila lye limwamu havhili lye lilunjisu kuluusya itanzi. Iheema ilyo litázengwilwe na vhantu, kwe kuuti te Liheema ilya mu nsi umu.