VaHebuli 13:9 - ULufingwi uLupwa

⁹ Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

Tesitamenti Umupwa 1965

⁹ Mutahashele ukunyatulwa ninsambilizyo inyinji ninjeni. She hinza ingʼumwoyo akugomela muvwila, te mwe muṿwa kulya ṿwe ṿitakuvavosya nahamo vuvo ve vakujendela muli ṿiṿwo.

VaHebuli 13:9 ပူးပေါင်းရင်းမြစ်များ

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 24:4

UYeesu ahavhaamula ahati, “Muvhanje minso, inga vhatahinze vhavhahopenkanye!

uLuuka 5:38

Idivaayi impwa yikwanzilwa kuyivhiiha mu mafuuku amapwa.

iMbombo izya Vhatumwa 20:30

Havhili muli imwe vhalifumila avhantu vhe vhaliyangaga inongwa izya ilenga, inga vhavhateezye avhalandati, kuuti vhavhalandataje avheene.

iMbombo izya Vhatumwa 20:32

“Ishi nkuvhavhiiha mu nyoovhe izya Mulungu na mu vhulongozi uvhwa izwi ilya vhwila vhwakwe. Izwi ilyo lye likuvhwezya kuvhazenga, nu kuuvhapa uvhupwano vhwe avhavhishiiye avhafinjile.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 14:2

Yeenya, umuntu wumo kulandatana nu lwitiho lwakwe ali nu vhusatushe uvhwa kulya ivintu vwonti, ileelo uwamwavho we muyeyevhazu mu lwitiho, akulola kuuti akwanzilwa kulya zye nyanyi izya matundu.

VaLoma 14:6

Umuntu we akulishindiha nkaani isiku limo kuluusya izinji, akuvhomba vhwevhulo kumuhondezya uMwene uYeesu. Woope we akulya ivintu vwonti, akuvhomba vhwevhulo kumuhondezya uMwene, mwe pe akumusalifwa uMulungu. Woope we akulya zye nyanyi izya matundu akuvhomba vhwevhulo kumuhondezya uMwene uYeesu, woope akumusalifwa uMulungu.

1 VaKolinti 6:13

Havhili vhamo muli imwe vhakuti, “Lwe tuli ni nzala tukwanzilwa kulya, mwe pe amavhili gakwanza ishaakulya.” Vwe zili, ileelo hakwinza ahavhaliilizyo he uMulungu aligagalulanya amavhili giitu, te gahanze ishaakulya. Ileelo ishi muleshe kuuti tuhondeeye kuvhomba uvhulugusu, inza vwe yikwanzilwa kulya lwe tuli ni nzala. UMulungu atágapezile amavhili giitu kuzya vhulugusu, nkandi kuzya kumuvhombela uMwene uYeesu, woope uMwene akugakonzya amavhili.

1 VaKolinti 8:8

Ileelo ishaakulya shitakutuvhiiha kuvha papiipi nu Mulungu. Tutakusovhelwa ishintu naashimo inga tutakulya, havhili poosye inga tukulya, tutakwonjezelwa ishintu naashimo.

2 VaKolinti 1:21

UMulungu we akutugomwa iswe niimwe, havhili atusavhuuye kuuti tuvhe twe vhiitisi avha Chilisiti,

VaGalati 6:1

Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

Kolosi 2:4

Nkuvhasimbila izyo, inga mutahiitishe kuuti umuntu wonti avhahopenkanye ku mazwi aga kuvhakundiilizya.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

2 VaTesaloniki 2:2

mutasaagaje nu kuvha na maganigani kuzya nongwa izya vhukuvhwi, poosye izya kulumbiilila, poosye izya kalaata we akusivhiililwa kuuti afumile kuli iswe, kuuti isiku ilya kwinza uMwene lifisile.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

uYuuda 1:12

Avhantu ivha vhakunanganya lwe vhakulya pooka niimwe pa mulyo uwa shikunzi, vhakulya vheeka ishisita insoni. Havhili vhali inza amavhingo ge gatali ni mvula, ge inkungu yikugapempenusya. Vhali inza amakwi ge gatali na mantonongwa ahavhaliilizyo aha mvuno, ge gafuuye nziila nu kwilulwa.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.