VaHebuli 13:8 - ULufingwi uLupwa

⁸ UYeesu Chilisiti atakwanduha. Uweene ali inza vwe áali ku vhwandilo, ahavhaliilizyo iha na shiima.

Tesitamenti Umupwa 1965

⁸ UwenʼuYesu Chilisiti atakugalunkana nalumo, we wuyo shima namavwila nashinishi nakuvusitakusila.

VaHebuli 13:8 ပူးပေါင်းရင်းမြစ်များ

2 VaKolinti 1:19

Nkuyanga vhwevhulo, mwe pe uYeesu Chilisiti uMwana wa Mulungu we ine nu Silwano nu Tiimoti twámukumusiizye kuli imwe, atáamile muntu wa kusangaanya amazwi kuuti, ayanje ati, “Eena” havhili ati, “Ndaali.” Uweene ahavhaliilizyo honti wu “Eena,” kwe kuuti zye akuyanga zya nalyoli.

2 VaKolinti 1:20

Zyonti zye uMulungu áfinzile kuuti aliitupa kwi idala ilya Chilisiti zya nalyoli, mwe pe iswe kutuushila kwa Chilisiti tukuti, “Amina,” kwe kuuti zya nalyoli, kuzya kumushindiha uMulungu.

VaHebuli 1:12

Iwe ulizipinta inza inkanzu, ziliyandulwa inza umwenda umukaali. Ileelo iwe utakwanduha, uvhulanzi vhwaho te vhuhaasile.”

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

uYuuda 1:25

Uweene wu Mulungu weeka, havhili Muposhi wiitu, kwi idala ilya Mwene wiitu uYeesu Chilisiti. Uvhushindamu nu vhupiti na maha amasisya na maha, vili nu weene kufuma hali, ishi, havhili poosye shiima. Amina.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,

Ishitushizya 1:8

UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”