VaHebuli 13:7 - ULufingwi uLupwa

⁷ Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

Tesitamenti Umupwa 1965

⁷ Muvakumbuhaje ve vavalanzilʼimwʼidala, ve vavavuzizyʼimwe inongwa zya Mulungu, mwenyelezyaje nkani uvusilo vwa lujendo lwavo, muvalandatʼulwitiho.

VaHebuli 13:7 ပူးပေါင်းရင်းမြစ်များ

Matayi 24:45

UYeesu ahavhavhuziilizya ahati, “Pe ishi, wu naanu umuvhomvi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

uLuuka 5:1

Isiku limo, uYeesu áyimiliiye pa luvhazu pa sumbi uwa Jenesaleeti, ahasambilizyaga izwi ilya Mulungu. Ivhungaana ilya vhantu lihasejelelaga kumutejeelezya, pe lihavha likumuvijiilizya.

uLuuka 8:11

“Ishiholanyo ishi kwe kuuti: Imbeyu lizwi lya Mulungu.

iMbombo izya Vhatumwa 13:46

Pe avha Paavhuli nu Balinaaba vhahavhaamula aVhayuuda ivho ku vhudandamazu vhahati, “Yáhondeeye izwi ilya Mulungu lilumbiililwe suuti kuli imwe mwe Vhayuuda. Ileelo mwalihaana, nu kuyilola kuuti mutahondeeye kuvha nu vhulanzi uvhwa shiima shiima. Ishi, twavhaleha, twasogola ku vhantu vhe te Vhayuuda,

iMbombo izya Vhatumwa 14:23

Avha Paavhuli nu Balinaaba vhahasavhulaga avhasongo mu vivhanza vwonti. Vhahalaavhaga nu kuyiima kulya ishaakulya, pe vhahavhavhiihaga kwa Mwene uYeesu we vhámwitisile.

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

VaLoma 10:17

Pe ishi, avhantu vhakuvha nu lwitiho inga vhiivwa izwi ilya Chilisiti, havhili vhakwivwa inga vhakulumbiililwa.

1 VaKolinti 10:13

Indingo zye zikuvhaaga imwe, zili inza zye zikuvhaaga avhantu avhanji. Ileelo uMulungu mutungamu, uweene te avhaleshe mulingwe kuluusya amaha giinyu. Lwe imwe mukulingwa, uweene akuuvhapa amaha aga kujimbiilila ni idala ilya kufumila.

1 VaKolinti 11:1

Mundandataje ine, inza vwe niine nkumulandata uChilisiti.

1 VaKolinti 4:16

Ishi, nkuvhalambiilizya kuuti muvhombaje inza vwe ine nkuvhomba.

Filipi 3:17

Mwe vhamwitu, mulandataje ishiholanyo shaane. Muvhenyaaje vhaala vhe vhakulandata ishiholanyo she twávhapiiye imwe.

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

2 VaTesaloniki 3:7

Tukuyanga isho, mwe pe imwe mumanyile vwe yikwanzilwa kulandata ishiholanyo shiitu. Iswe lwe twámile niimwe tutáamile twe vhahata,

2 VaTesaloniki 3:9

Lwe tukuvhomba isho, te kuuti tutáhondeeye kwanza shimo kuli imwe, ileelo tuhanzaga tuvhe twe shiholanyo kuli imwe inga mutulandate.

1 Timoti 3:5

Inga umuntu akupootwa kuyimililila inyumba yaakwe, angashimililila vhuli ishivhanza isha Mulungu?

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

VaHebuli 13:24

Muvhalamushe avhalongozi vhonti na vhafinjile vhonti vhe muli navho ukwo. Avhiitisi avha mu nsi iya Itaaliya vhakuvhalamuha.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.