VaHebuli 13:3 - ULufingwi uLupwa

³ Muvhakumbuhaje avhantu vhe vhakunziilwe mu jeela, muvhanje ngati mukunziilwe pooka navho. Havhili muvhakumbuhaje vhaala vhe vhakuyimvilwa, muvhanje ngati mukuyimvilwa pooka navho.

Tesitamenti Umupwa 1965

³ Muvakumbuhaje ava mumunyololo fwe ngati mwe vamwavo mumunyololo namwe, havili nava ve vakuvombelwʼimbivi, she namwe mushili muli mumuvili.

VaHebuli 13:3 ပူးပေါင်းရင်းမြစ်များ

Matayi 25:36

Lwe náali ishitali, mwánzwaliziizye amenda. Lwe návhinile, mwínzile kumbinia. Lwe náali mu jeela, mwínzile kuneenya.’

Matayi 25:43

Lwe náali ne mujeni mutámposheleeye mu nyumba zyinyu, lwe náali ishitali mutánzwaliziizye amenda. Havhili lwe náali ne muvhinu, mutínzile kumbinia, poosye lwe náali mu jeela mutínzile kuneenya.’

iMbombo izya Vhatumwa 24:23

Pe uFeeliki ahamulajizya umwimiilizi uwa vhasikaali kuuti, vhamugulilaje uPaavhuli, ileelo vhamupanje uvhusatushe, kuuti vhatavhadindaje avhajenzi vhaakwe lwe vhakwinza kuumupa vwe akwanza.

iMbombo izya Vhatumwa 27:3

Lwe kwasha, tuhafiha pa nkaaya iya mu luvhazu mwa sumbi mu Siidoni. UYuuliyo ahamuvhombela ahinza uPaavhuli, ahamwitishila kuuti alolane na vhamanyani vhaakwe, inga vhamwavwe vwe asovheliilwe.

VaLoma 12:15

Museshelaje pooka na vhe vhakuseshela, mukuutaje pooka na vhe vhakukuuta.

1 VaKolinti 12:26

Inga ishipelwa shooka shavwalala, vwonti vikuvwalala pooka nasho. Havhili inga ishipelwa shooka shatiimwa, vwonti vikuvha nu luseshelo pooka nasho.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

Kolosi 4:18

Nkusimba izi ku nyoovhe yaane neneene. Ine ne Paavhuli nkuvhalamuha. Mukumbushe kuuti nkunziilwe mu jeela. UMulungu avhafwilaje uvhwila imwe mwenti.

VaHebuli 10:34

Havhili muhavhafwilaga uvhwila avhamwinyu vhe vhákunziilwe mu jeela. Havhili lwe vhavhafwula ivwuma vwinyu, muhaseshelaga mu mooyo giinyu, mwe pe mwámanyile kuuti muli ni vintu ivwinza nkaani vwe vitakusila naalumo.

VaHebuli 11:37

Havhili vhamo vhahavhahomaga na mavhwe kufishila kufwa, vhamo vhahavhavholanyaaga na masumeeno na vhamwavho vhahavhagogaga na mapanga. Vhamo vháali vhapiina, vhahazwalaga amakwembe aga ngʼonzi na ga mbuzi, vhahavhayimvwaga nu kuvhavhombela imbiivhi inyinji.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.