VaHebuli 13:2 - ULufingwi uLupwa

² Havhili mujendeelele kuvhaposheela avhajeni mu nyumba zyinyu, mwe pe kwi idala ilyo, vhamo vhávhaposheleeye avhahavhizya ishisita kumanya.

Tesitamenti Umupwa 1965

² Mutaluṿwaje ukuvatetelʼahinza avajeni, shʼavamwinyu vamo lwe vahahonzyaga vovulo vavaposheleye avahavizya shisitakuvamanya.

VaHebuli 13:2 ပူးပေါင်းရင်းမြစ်များ

Matayi 25:35

Yeenya, lwe náali ni nzala mwámpiiye ishaakulya, lwe náali ni shinyooto mwámpiiye aminzi aga kumwela, havhili lwe náali ne mujeni, mwámposheleeye mu nyumba zyinyu.

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

Matayi 25:43

Lwe náali ne mujeni mutámposheleeye mu nyumba zyinyu, lwe náali ishitali mutánzwaliziizye amenda. Havhili lwe náali ne muvhinu, mutínzile kumbinia, poosye lwe náali mu jeela mutínzile kuneenya.’

iMbombo izya Vhatumwa 16:15

Ahoozelwa uweene pooka na vhantu avha mu nyumba yaakwe, ahatulambiilizya kuuti tusogole ku kwakwe, ahati, “Inga mwandola kuuti nalyoli namwitiha uMwene uYeesu, mwinjile mu nyumba yaane, mutendame.” Pe ahatusinjiilizya kuuti, tusogole nawo.

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

VaLoma 16:23

UGaayo we nkutendama mu nyumba yaakwe, havhili we mu kwakwe mwe avhantu avha mu shivhanza shonti isha Mwene uYeesu vhakuvhungaana, akuvhalamuha. Woope uElaasito, we akusengula impiiya izya nkaaya ino, akuvhalamuha, havhili woope uwamwitu uKwalito, akuvhalamuha.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

1 Peteli 4:9

Lwe mukuvuulana, mutetelanaje ishisita ulukwinkwino.

3 Yohani 1:5

We nkundwa, iwe we mutungamu ku ziila zye ukuvhavhombela avhamwitu, pooka nu kuuti vhajeni kuli iwe.