VaHebuli 13:18 - ULufingwi uLupwa

¹⁸ Mujendeelele kutulaavhila. Tuli nu vhwanalyoli kuuti amooyo giitu gatakutulonga naashimo, mwe pe tuli nu mute kuvhomba izya nalyoli ku vhantu vhonti.

Tesitamenti Umupwa 1965

¹⁸ Mutuputilaje, she tumanyilʼukuti inyenyezyo zyitu nyinza, lwe tukwanzʼukuva nulujendʼulwinza muli zyonti.

VaHebuli 13:18 ပူးပေါင်းရင်းမြစ်များ

iMbombo izya Vhatumwa 23:1

UPaavhuli ahavhatontomela avhantu ivho avha mu lukuvhato, ahavhavhuuzya ahati, “Vhamwitu, kufishila ileelo ili indi she ntendiime nu mwoyo umwinza pilongolela ilya Mulungu.”

iMbombo izya Vhatumwa 24:16

Kuli izyo, nkuyikungula kuvha nu mwoyo umuzelu insiku zyonti, inga ntahaavhe nu lukwinkwino pilongolela ilya Mulungu na pilongolela ilya vhantu.

VaLoma 12:17

Inga avhantu vhavhavhombela imbiivhi, mutalanduzyaje. Ahavhaliilizyo honti lwe mushiili kuvhavhombela avhanji ishintu shonti, musiivhaje suuti nu kuvhomba ziila zye zikuloleha nyinza ku vhantu vhonti.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 15:30

Mwe vhamwitu, ku maha aga Mwene wiitu uYeesu Chilisiti na ku shikunzi she uMupepo uMufinjile akuutupa, nkuvhalambiilizya ku mwoyo waane wonti, kuuti muvhe pooka niine, kundaavhila ine kwa Mulungu.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

1 VaTesaloniki 4:12

Ipo mukuvha mwalolesya ulujendo ulwinza pilongolela ilya vhe vhatamwitisile uMulungu, havhili mutakuvha mwe vha kusuuvhila ivwa vhanji.

1 VaTesaloniki 5:25

Vhamwitu, niiswe mutulavhilaje kwa Mulungu.

2 VaTesaloniki 3:1

Ishi vhamwitu, mutulavhilaje inga izwi ilya Mwene uYeesu lijendelelaje kukumuha naluvhiilo, havhili avhantu vhaliposheelaje ku mushinzi, inza vwe zyáli kuli imwe.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 3:16

Muvhanje na mooyo aminza, pe inga lwe avhantu vhakuvhayanjila izya ilenga nu kuvhaliga kuzya lujendo lwinyu ulwinza ulwa kumulandata uChilisiti, vhalolaje insoni.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.