VaHebuli 13:17 - ULufingwi uLupwa

¹⁷ Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

Tesitamenti Umupwa 1965

¹⁷ Muvitihaje avalongozi vinyu, muvavelaje, she vakushesya fwe ngati vantu ve valilanduzilwa lwe vakusunjililʼamoyo ginyu, ukuti vavombaje zinizi muvusansamusu shisitakuyivunanzya, she zinizi zitangavavosyʼimwe nahamo.

VaHebuli 13:17 ပူးပေါင်းရင်းမြစ်များ

uLuuka 16:2

Pe ahamwita ahamuvhuuzya ahati, ‘Nongwa vhuli izi zye nkwivwa ku mbombo yaaho? Lolesya uvhusimbe vhwe vhukulolesya vwe uvhombeeye ivwuma vwane, mwe pe utakwanzilwa kuvha we mwimiilizi havhili!’

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

VaLoma 14:12

Kuli izyo, umuntu wonti muli iswe alilondovhola wuuyo inongwa zyakwe pilongolela lya Mulungu.

1 VaKolinti 16:16

Niimwe muvhashindihaje avhantu inza ivho, na vhanji vhonti vhe vhakuyikungula kuvhomba imbombo ino.

VaEfeso 5:21

Havhili mushindinkanaje, mwe pe mukumushindiha uChilisiti.

Filipi 1:4

Kulaavha kwane kwonti, nkuvhalaavhila mwenti ku luseshelo,

Filipi 2:12

Vhankundwa vhaane, muhamunyilaga uMulungu lwe náali pooka niimwe. Ishi mumunyilaje inza vhwevhulo, ahavhaliilizyo iha he indi ukutali, kuluusya luula lwe náali pooka niimwe. Jendelelaaji kulunjisya uvhuposhi vhwinyu, kwi lyoga nu kutetema.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

Filipi 2:29

Mumuposheele ngati wamwitu mwa Mwene ku luseshelo ulupiti. Mukwanzilwa kuvhashindiha avhantu vhe vhali inza uweene,

Filipi 3:18

Imbavhuuzizye inongwa izi ulwinji. Ishi havhili nkuvhuyiila kuvhavhuuzya ku mansozi, kuuti avhantu avhinji vhakulandila ngati vhalugu avha shihovhenkanyo isha Chilisiti.

Filipi 4:1

Ishi vhamwitu mwe mbakunzite nu kuvhasamba nkaani, imwe mwe mukumbiiha kuuti mbe nu luseshelo nu kuposheela ishipambwi. Vhankundwa mukwanzilwa kusimpa mwa Mwene uYeesu.

2 VaTesaloniki 3:14

Inga umuntu wonti atakwanza kuzilema indajizyo zyitu zye zili mwa kalaata uno, mumwenyelezyaje nkaani. Mutizyaje nawo, inga alole insoni.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

VaHebuli 13:24

Muvhalamushe avhalongozi vhonti na vhafinjile vhonti vhe muli navho ukwo. Avhiitisi avha mu nsi iya Itaaliya vhakuvhalamuha.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

Yakobu 4:7

Kuli izyo, mumushindihaje uMulungu. Mumuhaanaje nu kumudinda uMukwalanzi, woope kwe avhashimbilaje.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”