VaHebuli 13:14 - ULufingwi uLupwa

¹⁴ Tuvhombe vhwevhulo, mwe pe mu nsi umu tutali ni nkaaya iya shiima, nkandi tukuguliilila kusogola kwinjila mu nkaaya iya ku mwanya insiku zye zikwinza.

Tesitamenti Umupwa 1965

¹⁴ Shʼipa tute ninkaya iya kuva shima ndali, nkandi tukuyanza yila yʼikwinza.

VaHebuli 13:14 ပူးပေါင်းရင်းမြစ်များ

1 VaKolinti 7:29

Vhamwitu, nkuyanga kuuti ahavhaliilizyo he hasyaye, hansi. Ishi kufuma ahavhaliilizyo iha, vhaala vhe vhimaaye vhaleshe kuvhasiivha vhe vhashi vhaavho vhweleele, vhasiivhaje nkaani kumuvhombela uMwene uYeesu.

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

VaEfeso 2:19

Pe ishi, imwe mwe vhantu mwe te mwe Vhayuuda, te mwe vhajeni havhili. Mwe vhaana vha Mulungu, havhili mwe vhahaaya pooka na vhafinjile vhaakwe.

Filipi 3:20

Ileelo iswe ku kwitu kwe ku mwanya. Pe kufuma ukwo tukumuguliilila ku mwoyo uMuposhi wiitu, uMwene uYeesu Chilisiti.

VaHebuli 10:34

Havhili muhavhafwilaga uvhwila avhamwinyu vhe vhákunziilwe mu jeela. Havhili lwe vhavhafwula ivwuma vwinyu, muhaseshelaga mu mooyo giinyu, mwe pe mwámanyile kuuti muli ni vintu ivwinza nkaani vwe vitakusila naalumo.

VaHebuli 12:22

Ileelo imwe mwafiha pi igamba uSayuuni, pa nkaaya iya Yelusaleemu iya ku mwanya. Inkaaya iyo nkaaya iya Mulungu uMulanzi. Apenepo, vhavhungiine ku luseshelo avhahavhizya amashumi na mashumi.

VaHebuli 12:27

Izwi ilyo lye likuti, “havhili,” likulolesya apazelu kuuti, ivintu vwonti vwe uMulungu ahavipela mu nsi viliyingaana nu kuvwefwa, inga visyale viila vwe vitangayingaana.

VaHebuli 2:5

Tumanyile kuuti uMulungu atavhapiiye avhahavhizya amaha aga kuyikonzya insi impwa ye yikwinza, ye tukuyanga inongwa zyakwe.

VaHebuli 4:9

Kuli izyo, ulutuuzyo luli she luliipo lwe uMulungu avhasenganiziinye avhantu vhaakwe.

VaHebuli 9:11

Ileelo uChilisiti ayinzile nu kuvha mupuuti umupiti uwa nyinza zyonti zye zyinzile. Uweene we akuvhomba imbombo mwi Iheema liila lye limwamu havhili lye lilunjisu kuluusya itanzi. Iheema ilyo litázengwilwe na vhantu, kwe kuuti te Liheema ilya mu nsi umu.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

Ishitushizya 3:12

Ula we alipoota indingo, ndimuvhiiha kuvha lupanda mu Nyumba iMfinjile iya Mulungu waane, te ahaafume umwo naalumo. Kuli uyo, ndisimba izina ilya Mulungu waane ni izina ilya nkaaya iya Mulungu waane. Inkaaya iyo Yelusaleemu impwa ye yikwiha kufuma ku mwanya kwa Mulungu waane. Havhili kuli uyo ndisimba izina lyane neneene, liila lye lipwa.