VaHebuli 13:1 - ULufingwi uLupwa

¹ Ishi mujendeelele kukundana inza avhanine vwe vhakukundana.

Tesitamenti Umupwa 1965

¹ Ishikunzi sha kukundana mwe vuvo vatupu mwe vanamuntu, she shivanje shima.

VaHebuli 13:1 ပူးပေါင်းရင်းမြစ်များ

Yohani 15:17

Ishi nkuvhalajizya imwe kuuti, mukundanaje.”

iMbombo izya Vhatumwa 2:1

Lwe isiku ilya Pentekoositi lyafiha, avhantu vhonti vhe vhámwitisile uYeesu, vhávhungiine pooka.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaEfeso 4:3

Muyikungulaje kuvhusunjiilila uvhuliilani vhwe mupeliilwe nu Mupepo uMufinjile. Uvhuliilani uvhwo muvhusunjililaje kwi idala ilya kulandila ku vhutehamu.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

VaHebuli 10:24

Havhili tukwanzilwa tusajilanaje nu kugomanya amooyo nu kukundana nu kuvhombelana inyinza.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:17

Muvhashindihaje avhantu vhonti, nu kuvhakunda avhamwinyu. Mumunyilaje uMulungu nu kuumupa umushinzi umwene.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 4:8

Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

2 Peteli 1:7

Kuvha nu lujendo ulwinza pilongolela ilya Mulungu, kuvhalilanaje ni shikunzi ku vhamwinyu inza avhanine vwe vhakukundana. Ishikunzi isho, mutavhakundaje vhe vhamwinyu vhweleele, nkandi na vhantu vhonti.

1 Yohani 3:23

Ululajizyo lwakwe lwe luno, kuuti tulyitishe izina ilya Mwana waakwe uYeesu Chilisiti, nu kukundana, inza vwe átulajiziizye.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.

Ishitushizya 2:4

Ileelo indi ni izwi niiwe: Ushilesile ishikunzi shaaho ishitanzi.