VaHebuli 12:4 - ULufingwi uLupwa

⁴ Pooka nu kuuti mukulwa ku mute kuvhupoota uvhutalamalandu, ileelo mutaluuye uvhulugu uvhwo kufishila kwita amavhanda giinyu.

Tesitamenti Umupwa 1965

⁴ Lwe mukulwa nuvutalamalandu imwe, pe mushili ukufiha nakwo napamavanda.

VaHebuli 12:4 ပူးပေါင်းရင်းမြစ်များ

Matayi 24:9

“Ahavhaliilizyo iho, avhantu avha mu nsi zyonti vhalivhavitilwaga, vhalivhalemaga nu kuvhayimvwa nu kuvhagoga, mwe pe mukundandata ine.

1 VaKolinti 10:13

Indingo zye zikuvhaaga imwe, zili inza zye zikuvhaaga avhantu avhanji. Ileelo uMulungu mutungamu, uweene te avhaleshe mulingwe kuluusya amaha giinyu. Lwe imwe mukulingwa, uweene akuuvhapa amaha aga kujimbiilila ni idala ilya kufumila.

Filipi 2:8

Ahayiisya weeka, havhili ámushindisile uTaata, ahiitiha nu kufwa, poosye uvhufwe uvhwa pa shihovhenkanyo.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 13:13

Kuli izyo, niiswe tumulandate panzi iya shikwilo isho nu kujimbiilila kulola insoni inza uweene vwe ájimbiliiye.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.

Ishitushizya 18:24

UMulungu áyisunzite inkaaya iyo, mwe pe mu kwakwe mwámile amavhanda aga vhakuvhwi na ga vhafinjile na ga vhantu vhonti, vhe avhalugu avha Mulungu vhávhagozile mu nsi.”

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.