VaHebuli 12:27 - ULufingwi uLupwa

²⁷ Izwi ilyo lye likuti, “havhili,” likulolesya apazelu kuuti, ivintu vwonti vwe uMulungu ahavipela mu nsi viliyingaana nu kuvwefwa, inga visyale viila vwe vitangayingaana.

Tesitamenti Umupwa 1965

²⁷ Ilyene lye likuti: Lisyaye lyoka lyene, lye likusimishizya ukuti ṿwonti mwe ṿipezilwe ṿiliyugumbana nukugalulwa, ukuti ṿisyalaje ṿiṿwo ṿweka ṿwe ṿitakuyugumbana.

VaHebuli 12:27 ပူးပေါင်းရင်းမြစ်များ

Matayi 24:35

Imwanya ni nsi viliyeepa, ileelo poosye zivhe vhuli amazwi gaane galilunjiha.”

VaLoma 8:19

Yeenya, ivipelwa vwonti vikuguliilila ku mwoyo wonti ahavhaliilizyo he uMulungu alivhalolesya apazelu avhaana vhaakwe.

VaLoma 8:21

inga vwinze visatulwe kufuma mu vhuzya vhwavho uvhwa kusheepelwa uvhumwamu, nu kuposheela uvhushindamu vhwe uMulungu aliivhapa avhaana vhaakwe.

1 VaKolinti 7:31

Vhaala vhe vhakuvhomba izya mu nsi umu, vhaleshe kuzisiivha izyo, mwe pe insi ino inza vwe tukuyilola yikutuuha.

VaHebuli 1:10

Havhili uMulungu akumuvhuuzya uMwana waakwe kuuti, “Iwe Mwene we wápezile insi ku vhwandilo, havhili we wápezile ni mwanya weneewe.

VaHebuli 13:14

Tuvhombe vhwevhulo, mwe pe mu nsi umu tutali ni nkaaya iya shiima, nkandi tukuguliilila kusogola kwinjila mu nkaaya iya ku mwanya insiku zye zikwinza.

VaHebuli 9:11

Ileelo uChilisiti ayinzile nu kuvha mupuuti umupiti uwa nyinza zyonti zye zyinzile. Uweene we akuvhomba imbombo mwi Iheema liila lye limwamu havhili lye lilunjisu kuluusya itanzi. Iheema ilyo litázengwilwe na vhantu, kwe kuuti te Liheema ilya mu nsi umu.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 21:1

Pe nkalola imwanya impwa ni nsi impwa. Imwanya yiila intanzi ni nsi yiila intanzi zyápezile zyepa, woope usumbi havhili atáliipo.

Ishitushizya 21:4

Uweene alivhasyumula amansozi gaavho gonti. Uvhufwe te vhuhaavhe havhili, poosye uvhuvhaavi, poosye inkuuta, poosye kuloosya, mwe pe izya hali zituusile!”

Ishitushizya 21:5

Pe uMulungu, uweene we átendiime pa shitengo isha vhumwene ahati, “Yeenya, naakuzivhomba zyonti kuvha impwa.” Havhili ahati, “Simba inongwa izi, mwe pe amazwi iga ga kwitishilwa havhili ga nalyoli!”