VaHebuli 12:23 - ULufingwi uLupwa

²³ Imwe mufisile pa luhomaano ulupiti ulwa vhiitisi vhonti vhe uMulungu akuvhiita kuvha vhaana vhaakwe avhahatoote. Avhiitisi ivho, amazina gaavho gasimviilwe ku mwanya. Mufisile pilongolela ilya Mulungu we Mulonzi uwa vhantu vhonti na pilongolela ilya vhantu avhagolosu vhe uMulungu ahavhazelufwa.

Tesitamenti Umupwa 1965

²³ nakuluhomano ulupiti nakushivanza sha vahatote ve vasimṿilwʼamazina kumwanya, nakwa Mulungu umulonzi wa vantu vonti, nakumpepo zya vagolosu ve valunjisile,

VaHebuli 12:23 ပူးပေါင်းရင်းမြစ်များ

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

Yohani 5:27

Havhili, ampiiye amaha aga kuvhalonga avhantu, mwe pe ne Mwana wa Aadamu.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

1 VaKolinti 13:12

Ishi ahavhaliilizyo iha, tukulola ivintu ngati pa minso pali ahamvuuvhi, ileelo pisinda tulivilola vwonti apazelu. Ahavhaliilizyo iha nkumanya hansi, ileelo ahavhaliilizyo he hakwinza ndiimanya nkaani inza vwe uMulungu amanyile ine.

1 VaKolinti 15:49

Inza vwe tuholiine nu Aadamu we ápeziilwe kufuma mu ntope, vwe tuliholana nu Chilisiti we ali nu muvhili uwa ku mwanya.

1 VaKolinti 15:54

Lwe umuvhili uno we wukuvhola wagalunkana kuvha muvhili uwa vhulanzi uvhwa shiima, umuvhili we wukufwa wagalunkana kuvha muvhili we wutakufwa, pe lililunjiha izwi lye lisimviilwe mu Vhusimbe uVhufinjile kuuti, “UMulungu avhupoota uvhufwe, vhwope vhwapootwa nziila!”

2 VaKolinti 5:8

Nalyoli tutali na maganigani, havhili tukulola kwashi tuwuleshe umuvhili uno, nu kusogola kutendama pooka nu Mwene uYeesu.

VaEfeso 1:22

UMulungu ahaamupa amaha aga kukonzya ivintu vwonti, nu kumuvhiiha mu shivhanza kuuti avhe mupiti ku vintu vwonti inza itwe mu muvhili,

Filipi 4:3

Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

1 Timoti 3:5

Inga umuntu akupootwa kuyimililila inyumba yaakwe, angashimililila vhuli ishivhanza isha Mulungu?

VaHebuli 11:4

Mwe pe uAabeli ámwitisile uMulungu, ámufumwiziizye uMulungu impuutile inyinza kuluusya umukulu waakwe uKaayini. Kuzya kwitiha kwakwe, uMulungu ámuvhaziizye uAabeli kuuti muntu umugolosu. UMulungu áposheleeye impuutile yaakwe, pooka nu kuuti uAabeli ahafwa, ulwitiho lwakwe lukujendeelela kuvha shiholanyo ishinza isha iswe kushilandata poosye ileelo.

VaHebuli 11:40

UMulungu ávhomvile vhwevhulo, mwe pe ápezile alongoleeye kutusenganizanya inyinza nkaani, inga avheene vhatahaapelwe kuvha vhalunjisu ishisita iswe.

VaHebuli 2:12

Akuti, “We Mulungu, ndizikumusya imbombo zyaho impiti ku vhajenzi vhaane, ndiyimba inyimbo izya kukutiima pa mpuga iya vhantu vhaaho.”

VaHebuli 9:27

Inza vwe avhantu vhonti vhakufwa lwoka vhweleele, havhili lwe vhaafwa, uMulungu akuvhalonga,

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

1 Peteli 2:23

Uweene lwe akuligwa, atávhagalusiziizye izwi inga lyoka ilya kuvhaliga. Lwe vhakumuyimvwa atáyanzile naashimo isha kuvhoogofwa, ileelo ámulesheeye uMulungu zyonti we akulonga avhantu ku vhugolosu.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 6:11

Pe vhonti vhahapeelwa amenda amazelu. Havhili vhahavhavhuuzya kuuti, vhaguliilile ku havhaliilizyo hansi, kufishila uvhwinji uvhwa vhavhomvi avhamwavho na vhajenzi vhaavho pe vhwalunjiha. Ivho vhe avhalugu avha Mulungu avha pa nsi vhalivhagoga inza vheene vwe vhávhagozile.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.