VaHebuli 12:2 - ULufingwi uLupwa

² Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

Tesitamenti Umupwa 1965

² TumutontomelʼuYesu wʼakutulongolela mulwitiho, wʼakululunjisya, wʼahakalanyʼulusankano lwe lwatelamisilwe papakwe, ahajimbilila ishihovenkanyo, ahasita nukusajilʼumusamu. Ilelo pʼahavalʼukutendama kumuhonʼumulilo wa shitengo sha Mulungu.

VaHebuli 12:2 ပူးပေါင်းရင်းမြစ်များ

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Maliko 14:36

Ahati, “Taata, ku kwaho zyonti zikuvhombeha, nkukulaavha kuuti uneefwezye amayimba iga. Ileelo te vwe nkasiime ine, nkandi vwe ukasiime weewe.”

Maliko 15:28

Izyo zyávhombesile, inga uVhusimbe uVhufinjile vhulunjishe, vhwe vhukuti, “Vhámuvhaziizye pooka na vhatalamalandu.”

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

Maliko 9:12

UYeesu ahavhaamula ahati, “Mwe muumwo, uEeliya akwanzilwa alongolele kwinza, inga asengaanye zyonti. Pooka niizyo, shooni she yisimviilwe mu Vhusimbe uVhufinjile kuuti, ine ne Mwana wa Aadamu ndiyimba amayimba aminji, nu kujevhulwa?

Maliko 9:24

Pepaala, uyise uwa mwana ula ahahoola inkoolo, ahati, “Niitiha! Ileelo ulwitiho lwane lutakwiliine, naavwa imbe nu lwitiho ku kwaho!”

uLuuka 17:5

Pe avhatumwa vhaala vhahamuvhuuzya uMwene uYeesu vhahati, “Tukulaavha utwonjezye ulwitiho!”

uLuuka 23:11

Pe uHeelodi na vhasikaali vhaakwe vhahanda kumusuupizya uYeesu nu kumujevhula. Vhahamuzwalizya amenda aga nsavho nu kumuseha. Pe uHeelodi ahamugalusya uYeesu kwa Pilaato.

uLuuka 24:26

Vhuli, uChilisiti atanzilwaga kutuushila mu mayimba igo gonti, pe pisinda ayinjile mu vhushindamu vhwakwe?”

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 12:24

Nalyoli nkuvhavhuuzya kuuti, inga imbeyu yitafushilwa pansi inza umuntu we afuuye, yitangaamela, nkandi inga yafushilwa, pe yikumela nu kupaapa amantonongwa aminji.

Yohani 12:32

Ileelo ine lwe vhanzuvwa pa shihovhenkanyo, ndivhavhiiha avhantu vhonti vhinze ku kwane.”

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

iMbombo izya Vhatumwa 2:36

UPeeteli ahati, “Ishi, aVhaisilayeeli vhonti vhamanye kuuti uYeesu we imwe mwámugozile pa shihovhenkanyo, uMulungu amuvhiisile kuvha wu Mwene havhili wu Chilisiti.”

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

1 VaKolinti 1:18

Inongwa izya kufwa uChilisiti pa shihovhenkanyo, vhe vhakuteega vhakulola vhwalangani, ileelo iswe twe tukupokwa, maha ga Mulungu.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

VaEfeso 2:16

Kwi idala ilya kufwa pa shihovhenkanyo, áyefwizye uvhulugu uvhwa Vhayuuda na vhe te Vhayuuda nu kuvhavhiiha impuga yooka. Havhili ahavhakundanya vhonti nu Mulungu.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

Filipi 1:6

Ishi nkuhomeshezya kuuti, nalyoli uMulungu we ahataliha imbombo inyinza iya vhuposhi mu mooyo giinyu, kwe ajendeelele kuyimala kufishila isiku lye uYeesu Chilisiti aligaluha.

Filipi 3:20

Ileelo iswe ku kwitu kwe ku mwanya. Pe kufuma ukwo tukumuguliilila ku mwoyo uMuposhi wiitu, uMwene uYeesu Chilisiti.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 1:13

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 10:14

Kwi idala ilya Yeesu kuyifumwa lwoka vhweleele, avhazelufwizye avhantu vhaakwe shiima.

VaHebuli 10:33

Ahavhaliilizyo hamo muhayimvilwaga nu kuligwa pilongolela ilya vhantu avhinji. Havhili muhavhasajilaga nu kuvhaavwa vhaala vhoope vhe vhahayimvilwaga inza vhwevhulo.

VaHebuli 11:36

Vhamo vhahavhasupizyaga nu kuvhahoma nu muchaapu. Vhamo vhahavhakungaga na manyoloolo nu kuvhatwala mu jeela.

VaHebuli 12:3

Musivhiilile zye zyámwazile uYeesu, na vwe ahajimbililaga ku ziila zye avhatalamalandu vhahamudindaga, inga mutahinze mulite nu kuvunziha umwoyo.

VaHebuli 13:13

Kuli izyo, niiswe tumulandate panzi iya shikwilo isho nu kujimbiilila kulola insoni inza uweene vwe ájimbiliiye.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

Yakobu 2:1

Mwe vhamwitu, mutavhanje mwe vhakusavhulanya, mwe pe mumwitisile uMwene wiitu uYeesu Chilisiti uwa Vhushindamu.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.

uYuuda 1:21

Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 1:17

Lwe namulola, nkagwila pa vinama vwakwe ngati muntu we afuuye. Ileelo ahandema ni nyoovhe yaakwe iya kundiilo ahati, “Utogopaje! Ine ne Vhwandilo havhili ne Vhusililishilo,

Ishitushizya 1:8

UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”

Ishitushizya 2:8

“Uhavhizya uwa shivhanza isha ku Siimina, musimbile uti: Iga mazwi kufuma kwa Yeesu, ula we Vhwandilo nu Vhusililishilo, we áfuuye havhili ahazyuha: