VaHebuli 12:14 - ULufingwi uLupwa

¹⁴ Mwe vhamwitu, mukanyilaje kulandila ku vhutehamu na vhantu vhonti. Havhili mukanyilaje kuvha mwe vhafinjile mu vhulanzi vhwinyu, mwe pe ataliipo umuntu we angamulola uMWENE uMulungu ishisita kuvha mufinjile.

Tesitamenti Umupwa 1965

¹⁴ Muyikungule ukuva nuvwihalo navantu vonti, muyikungule namuvufinjile. Shisitavuvwo numo atalimwenyʼuMwene.

VaHebuli 12:14 ပူးပေါင်းရင်းမြစ်များ

Maliko 9:50

Ivheeya shintu shinza, ileelo inga lyasuupa, shiliipo she shingalinonia? Muvhe ni ivheeya muhati zyinyu, mutendame ku vhutehamu mwemwe mweka.”

uLuuka 1:75

Tuvhe swe vhafinjile, havhili swe vha nalyoli insiku zyonti zye tukulandila.

VaLoma 12:18

Muvhombaje zyonti zye mungavhomba zye zikuvhavhiiha kuvha nu vhutehamu na vhantu vhonti.

VaLoma 14:19

Pe ishi, ahavhaliilizyo honti tuvhe nu mute uwa kuvhomba zye zikuleeta uvhutehamu, na zye zikwavwa kuzengana mu lwitiho.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 13:12

Ishi ahavhaliilizyo iha, tukulola ivintu ngati pa minso pali ahamvuuvhi, ileelo pisinda tulivilola vwonti apazelu. Ahavhaliilizyo iha nkumanya hansi, ileelo ahavhaliilizyo he hakwinza ndiimanya nkaani inza vwe uMulungu amanyile ine.

2 VaKolinti 6:17

Ishi uMWENE uMulungu akuti, “Mwepe pahati yaavho, muyilehaanye navho. Mutalemaje ishintu ishihandamanu, niine pe kwe mbaposheele.”

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 3:21

Vhuli, indajizyo zitakuvhalilana na zye áfinzile uMulungu? Ndaali, te muumwo inga hansi! Yeenya, inga zyaaliipo indajizyo zye zingaavhapa avhantu uvhulanzi, pe nkandi tukuvhaazilwa kuuti twe vhagolosu kwi idala ilya ndajizyo.

VaEfeso 5:5

Yikwanzilwa mumanye kuuti umuvhembu nu mulugusu na we akupapamila ivintu te vhahapwane uvhumwene uvhwa Chilisiti nu Mulungu. We akupapamila ivintu we wooka na we akupuuta iviholanyo.

Filipi 3:12

Ntakuti nzifishiiye zyonti izyo, havhili ntakuti ne mulunjisu ku zyonti. Ileelo nkujendeelela kudaga, inga mfishile zyonti. UChilisiti uYeesu ansavhuuye, inga mfishile izyo zyonti.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

1 VaTesaloniki 5:15

Yeenyi, umuntu wonti atamulanduzyaje uwamwavho ku mbiivhi. Amanda gonti muvhombelanaje inyinza mweneemwe nu kuvhavhombela avhantu vhonti.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

VaHebuli 12:10

Avhataata vhiitu avha mu nsi umu vhakutusunda ku havhaliilizyo hansi kulandatana na vwe avheene vhakulola kuuti hinza. Ileelo uMulungu akutusunda kwi ilonka lyitu, inga tuvhe nu vhuliilani nawo mu vhufinjile vhwakwe.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

1 Peteli 3:11

Yikwanzilwa aleshe kuvhomba imbiivhi, avhombaje inyinza. Havhili alondolaje kuvha nu vhutehamu na vhanji nu kuvhulandata,

1 Peteli 3:13

Wu naanu we angavhavhombela imbiivhi, inga muli nu mute kuvhomba inyinza?

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.