VaHebuli 12:1 - ULufingwi uLupwa

¹ Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

Tesitamenti Umupwa 1965

¹ Pe lelo naswe she tuzyungulilwe nivingo lya vahome inza she ili, tutagaje uvumwamu vwonti vwe vukutudindila nuvutalamalandu vwe vutakuhava ukututatʼiṿinama, tushimbile twumishizyaje ukuyikungula kulutumṿanyo lwe luli kwilongolela kulʼiswe.

VaHebuli 12:1 ပူးပေါင်းရင်းမြစ်များ

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 24:13

Ileelo we alijimbiilila kufishila ku vhusililishilo, we aliipokwa.

Maliko 10:50

Pepaala, ahadomoha ahalileha igolole lyakwe, ahasogola kwa Yeesu.

uLuuka 12:15

Pe ahavhavhuuzya avhantu vhonti ahati, “Muvhe minso! Muleshe kupapila ivintu, mwe pe uvhulanzi uvhwa muntu vhutakufumiilana nu vhwinji uvhwa vintu vwe ali navwo.”

uLuuka 16:28

Ukwo indi na vhanine vhaane vhasaano. Asogole avhasoshe kuuti vhazileshe imbiivhi zyavho, inga vhoope vhatahinze ku mayimba amapiti uku.’

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

Yohani 3:32

Umuntu uyo akuhomeshezya zye azivhwenyi nu kuzyivwa kufuma kwa Mulungu, ileelo avhantu vhansi vhweleele vhe vhakwitiha kuuti zye akuyanga zya nalyoli.

Yohani 4:39

AVhasamaliya avhinji avha mu nkaaya yiila iya Sikaali vhahamwitiha uYeesu, mwe pe vhívuuye zye umwantanda ula áhomesheziizye kuuti, “Umuntu uyo ambuuzya zyonti zye nkavhombaga.”

Yohani 4:44

UYeesu ápezile avhavhuziizye avhasundikwa vhaakwe atili, “Umukuvhwi atakushindikwa na vhantu avha ku mwavho.”

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

VaGalati 5:7

Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

VaEfeso 4:25

Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

Filipi 1:30

Ishi muli nu lutumvanyo luula lwe mwáluvhwenyi kuli ine nu kwivwa kuuti indi nalwo poosye ishi.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

2 Timoti 2:4

Ataliipo umusikaali we akuvha mu mbombo, havhili akuyinjizya mu zinji zye te zya vhusikaali. Nalyoli akwanzilwa kumuhondezya usongo waakwe.

2 Timoti 4:7

Naalwa uvhulugu ahinza, ulutumvanyo ulwa luvhilo lwe nashimbilaga, ishi naamala, nazyimililila insambiilizyo izya lwitiho.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

Yakobu 1:3

mwe pe mumanyile kuuti ulwitiho lwinyu inga lukulingwa, lukuvhapela kuvha nu vhujimbiilizu.

1 Peteli 2:1

Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

2 Peteli 1:6

Havhili mu vhumanyi vhwinyu muyikonzyaje, kwope kuyikonzya, kuvhalilanaje nu vhujimbiilizu. Vhwope uvhujimbiilizu uvhwo, vhuvhalilanaje nu kuvha nu lujendo ulwinza pilongolela ilya Mulungu.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 13:10

Umuntu we akwanzilwa kugomwa, woope aliigomwa. Umuntu we akwanzilwa kuuti avhantu vhamugoje kwi ipanga, woope vhalimugoga kwi ipanga. Pe ishi, avhafinjile vhakwanzilwa vhavhe nu vhujimbiilizu nu lwitiho.

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.