VaHebuli 11:8 - ULufingwi uLupwa

⁸ Mwe pe uAabulahamu ámwitisile uMulungu, lwe uMulungu amuvhuuzya kuuti ayeepe mu nsi yaakwe nu kusogola mu nsi ye uMulungu áfinzile kuumupa, uAabulahamu áyeefile mu nsi iyo pooka nu kuuti atámanyile kwe ahasogolaga.

Tesitamenti Umupwa 1965

⁸ Mulwitiho uAbulahamu, lwʼayisitwe, ahitiha ukwepa ukuvala pupo pe pahava pa kuyipelʼukuva pe pavupwano vwakwe. Ahepa shisitakumanya kwʼahavalaga.

VaHebuli 11:8 ပူးပေါင်းရင်းမြစ်များ

Matayi 2:21

Pe uYoosefu ahavhuuha, ahamunyatula umwana nu nyina, vhahagaluha mu nsi iya Isilayeeli.

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 10:16

Poosye vhwevhulo, te kuuti aVhaisilayeeli vhonti vhályitisile Izwi iLyinza. Yeenya, umukuvhwi uYisaayi átili, “We MWENE Mulungu, wu naanu we áyitisile izwi lye twálumbiliiye?”

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

2 VaKolinti 10:5

Tukunanganya amabaado ni zinji zyonti zye zikuvhadinda avhantu kuuti vhatamumanyaje uMulungu. Havhili tukuzigoma insiivho zyonti, inga zimushindihaje uChilisiti.

VaHebuli 11:33

Mwe pe avhantu ivho vhámwitisile uMulungu, vhahapootaga uvhulugu vhwe vhahalwanga na vhamwene avha mu nsi izinji. Vhahakonzyaga ku vhugolosu nu kuposheela ziila zye uMulungu áfinzile kuuvhapa. Havhili vhamo vháamile na maha aga kudindila amalomu aga nsama, inga zitahavhavwalazye.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 3:1

Imwe mwe vhantanda mwe mwimaliilwe muvhashindihaje avhalume vhiinyu. Kwi idala ilyo, poosye inga avhalume vhiinyu vhatakwitiha izwi ilya Mulungu, kwe vhiitishe ishisita kulumbiililwa,

1 Peteli 4:17

Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?