VaHebuli 11:7 - ULufingwi uLupwa

⁷ Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

Tesitamenti Umupwa 1965

⁷ Mulwitiho uNwaka, lwʼayiṿuye kwa Mulungu zye zyashili nukuloleha, ahagombʼimbogoso shisitakumwila iya kuponela mumwo ava nyumba yakwe. Muli lulwo ahayilongʼinsi, pʼahapwana uvupwano vwa vugolosu vwe vukulandata mulwitiho.

VaHebuli 11:7 ပူးပေါင်းရင်းမြစ်များ

Matayi 2:12

Lwe zyavha vhwevhulo, uMulungu ahavhasoha mu njozi, kuuti vhatahinze vhagalushe havhili kwa Heelodi. Pe vhahavhwela mu nkaaya yaavho kutuushila idala ilinji.

Matayi 24:15

“Ahavhaliilizyo iho mulishilola ishintu isha kuviisya nu kuhandamania shimiliiye aPafinjile. Ishintu isho she áshiyanzile umukuvhwi uDaaniyeeli. Umuntu wonti we akuvhaazya amazwi iga, agamanyinsanyaaje.

Matayi 24:25

Muvhanje minso, ine navhasoha nziila she zishiili kufumila.

Matayi 24:38

Insiku izyo lwe intalala yishiili kwinza, avhantu vhahalyanga nu kumwela, vhahimalaga nu kwimalwa, kufishila isiku liila lye uNoowa áyinjiiye mu mbogooso.

Matayi 3:7

Ileelo uYoohani lwe avhalola aVhafalisaayi na Vhasadukaayi vhakwinza ku vhwinji, inga avhoozye, ahavhavhuuzya ahati, “Mwe vhaana vha njoha imwe! Wu naanu we avhasosile kuuti mushimbile uvhuhalazu uvhwa Mulungu vhwe vhukwinza?

uLuuka 17:26

“Inza vwe zyámile insiku izya Noowa, vwe ziliivha ahavhaliilizyo aha kugaluha ine ne Mwana wa Aadamu.

VaLoma 1:17

Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

VaLoma 10:6

Ileelo izya muntu kuvhaazilwa kuuti mugolosu kwi idala ilya lwitiho, uVhusimbe uVhufinjile vhukuti, “Mutayivhuzilizyaje mu mooyo giinyu kuuti, ‘Wu naanu we angaazuvha ku mwanya?’” (Ukwo kwe kumuleeta uChilisiti pansi.)

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 4:11

Kutahiililwa kwakwe sháali shilolesyo ku kwakwe isha kumulolesya kuuti uMulungu ámuvhaziizye kuuti mugolosu kufumiilana nu lwitiho, lwe áamile nalwo lwe ashiili kutahiililwa. Kwi idala ilyo, uAabulahamu wu taata waavho vhonti vhe vhakwitiha, poosye she vhatatahiliilwe, inga vhoope vhavhaazilwe kuuti vhagolosu.

VaLoma 4:13

UMulungu áfinzile nu Aabulahamu na vhantu avha mu luho lwakwe kuuti, aliivhapa insi yonti kuuti yivhe vhupwano vhwavho. UMulungu atáfinzile isho nu Aabulahamu, mwe pe ahazilandataga indajizyo, nkandi, mwe pe ámwitisile uMulungu. Pe uweene uMulungu ahamuvhaazya uAabulahamu kuuti mugolosu.

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

VaHebuli 11:1

Kumwitiha uMulungu kwe kuvha nu vhwanalyoli kuuti ziila zye tukuzisuuvhila zilivhombeha. Havhili kwe kwitiha kuuti ziila zye tutakuzilola ishi zya nalyoli.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.

VaHebuli 8:5

Avhapuuti ivho vhakumuvhombela uMulungu aPafinjile pe shiholanyo vhweleele isha Pafinjile apa ku mwanya. Ye nongwa uMoose lwe akuyisengaanya kuzenga Iheema ilya kumupuutila uMulungu, uMulungu ámusosile átili, “Yeenya, ukwanzilwa kuzenga vwonti kulandatana na zyonti zye nkulolesiizye mwi igamba uSinaayi.”

1 Peteli 3:20

Avhafwe ivho vhe hali lwe uNoowa ahagombaga imbogooso, vháhaanile kumushindiha uMulungu. UMulungu ájimbiliiye kuzya vhutalamalandu vhwavho kufishila ahavhaliilizyo he imbogooso yagombwa. Mu mbogooso umwo vhínjiiye avhantu vhansi vhweleele, vháamile 8. Ivho vhe uMulungu ávhaposile na minzi.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

2 Peteli 2:5

Havhili ahavhaliilizyo aha Noowa uMulungu atávhafwiliiye uvhwila avhantu vhe vhatahamushindihaga, ávhalovwizye vhonti na mahavha aminji, ileelo ámuposile uNoowa pooka na vhantu avhanji 7. Lwe zyonti izyo zishiili kuvhombeha, uNoowa ahavhakumusizyaga avhantu kuuti vhavhombaje zye zikwanzilwa pilongolela ilya Mulungu.

2 Peteli 3:6

Havhili ku minzi igo, uMulungu áyilovwizye insi iya havhaliilizyo haala.